ياليت ليه يامنى النفس قلبين = واحد لاحزاني اواحد لحبك
وان خفت الاحزان لو كان يومين = افرح انا لجلي بقلبين احبك
واكتب عشانك يالحبيبه دواوين = وكل القصايد بالدواوين لجلك
اوصفك فيها وصف ماشافته عين = ياللي عيون الكون حارت بوصفك
واحضنك بالقلبين اربع وعشرين = ساعه ونا رامي حناني بحضنك
وان رجعت الاحزان ثاني ملايين = انسى الحزن واحيا بقلب يحبك
ماهمني لودست روس الثعابين = مادام ترياقي عسل صنع ثغرك
وماهمني ماشم زهر البساتين = كافي عليه شم زهرك وعطرك
وماهمني ماسمع كلام وتلحين = انتي قصيده والنغم حلو صوتك
انا احبك حب وانتي تعرفين = وياليت لي قلبين وتعيش عندك
قلب المحبه يعيش ويعانق العين = واسحب بقلب الحزن حزن بقلبك
واقول عيشي من الحزن لاتخافين = واحلف عليه ايروح ويسيب صدرك
واسكنه قلب مقفل على اثنين = قلب الهواء وقلب لحزني وحزنك