|
(((( الضيقه اللي يا نداء تحتويني ))))
الضيقه اللي يانـداء تحتوينـي=ماهي وليدة لحظه وهـم ساعـه لوانها ساعـات هانـت بعينـي=كافحتها باسلوب كنـز القناعـه لكنها فـي كـل حـزه تجينـي=وميل الدهر مالي عليه استطاعه تجوالها بالـروح بيـح كنينـي=ولا ودي ابديها لكـل الجماعـه لولاي بالمسحوب ولا الهجينـي=غنيتهـا لمثمنيـن البضـاعـه يمكن تضيع اسرارها من يدينـي=واصير ضمن مضيعين الوداعـه احيان اقول اخفيه بيني وبينـي=واحيان اقول اياه وايا الشجاعـه همٍ على سـم الهـلاك يحدينـي=يضيق كل الكون رغم اتساعـه امنين ماوجهـت بـه يحترينـي=عزي لمن تلوي همومه ذراعـه هذا الكلام اللي نقـاه المزينـي=من هاجسٍ ما انذاع في كل اذاعه عندك خبر يا مدلـه الغانمينـي=ما كل جرحٍ تكتشفـه الاشاعـه ما ودي الا اكسب جوابٍ ثمينـي=وانت الدرر في قنصها لك براعه |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الشاعر
علي بن هليل صح لسانك و بانتظار جديدك و رد أبو سااااااااامي |
|
لوانها ساعـات هانـت بعينـي=كافحتها باسلوب كنـز القناعـه
رائعه جدااااااااااا جدااااااااااااا صح لسانك يابى مشعل شاعربما تعنيه الكلمه لله درك |
يمكن تضيع اسرارها من يدينـي
واصير ضمن مضيعين الوداعـه الله الله يا بو مشعل صح الساك ولا هنت شاعر لك قوالبك الخاصه |
اقتباس:
الحب الباقي الله لا يهينك على المرور صح بدنك ولك التحيه والتقدير |
اقتباس:
تسلم ياحميدان وصح بدنك تحيتي وتقديري |
اقتباس:
الاخ العزيز ابن فرهود اشكرك على مرورك وصح بدنك وسلمت من كل شر الله لا يهينك وتقبل تحييتي وتقديري |
اقتباس:
شاعرنا المبدع عيسى العوفي اشكرك على اشادتك واقتباسك محل تقديري شهادتك وسام من الدرجه الاولى ابو عبد الرحمن لحظورك رونقه الخاص تحيتي وتقديري |
الساعة الآن 03:45 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
