ماذكـر فبـلاد ورد ولا زهــر=في سموم القيض مافيها مقيـل
بعدك الدنيا بهـا ضيـق وقهـر=راحت الفله مع الوقت الجميـل
لا سمر لا ضحك لا حتى سهـر=قد هجرت الناس من وقت ٍ طويل
شوف دمع العين يشبـه لنّهـر=من لهيب الشوق في قلب العليل
الله اكبـر كيـف هـذا يادهـر=انتضرنا مير ماشفنـا حصيـل
السنه تمضي عليه فـي شهـر=لا صديق اشكي عليه ولا زميـل
ارحم اللـي زاد همـه وانبهـر=ياعظيم الشان تلطـف ياجليـل
كاتـم ٍ سـره بصـدره ماجهـر=مير مابالوقت شـي ٍ مستحيـل
سـره المكنـون للعالـم ظهـر=عن طريق الشعر يقراه الكحيـل