راشد السحيمي&نامي السلمي
 

وابو مشعاب شيخ(ن)يعرفون الناس مقـداره
بعد ما كنت اشوفك تلحق الغارة ورا الغـاره

عسى فيك البقا ياللي سمعنا منكم الترحـاب

وفيتو في حقوق الجار لاسير علـى جـاره

اناماقطع وصول الدين والاصحاب والاقراب

واقاطع من يحب يقوم الحاره على الحـاره

نامي السلمي

ليا جات المواقف زندنا وقت اللقا شبـاب

نقدّر جارنا والنصْر دايم نرفع اشعـاره

لك الله ما يضيع الحق دام الحق له طلاب

وحنا خابرين العلم ميـراده ومصـداره

راشد السحيمي

اناماقلتلك زرنا بسيف يقطـع الارقـاب

اقول امشوا مـع الايـام والايـام دواره

تبي حقك تقابلنا بلا هوشة بدون اعصاب

وانا لي ذمة ماني مضريها على البـاره

نامي السلمي

يقولون الرجال السيف ابو حدين للحراب

ومن يومي براسه للعرب يندق في زاره

تقوله يالسحيمي وانت فالواقع تصك الباب

لكنك فك بابك لاتجي قدم الرمي شـاره

راشد السحيمي

ياكثر اللي يهددني برمح مثل رمح ذيـاب

فدرب المجد مايلحقني اللي فـوق طيـاره

اقيس العلم بالملي واحسب لكل شي حساب

لكنك علـم اللـي مايشـوف الا بنظـاره

نامي السلمي

انا ما قلت احطّك يالسنافي بين ضرس وناب

وانا اشوفك على موترك قمت تعافر الطّاره

لكنك ماحسبت حساب للحية وولْـد الـداب

ترى الحية وولْد الـداب فالغـرّات غـداره

راشد السحيمي

انا من كثر ماوحي من كلام الناس راسي شاب

لكن الله نصر دين الرسول وفـازوا انصـاره

يقولون العرب درب الجمل دايم على القصاب

لكنك صـل لله ركعتيـن بصـدق واختـاره

نامي السلمي

يشيب الراس وتْشيب اللحا وتشيّب الاشنـاب

من احداث الزمان اللي سمعتوا بآخر اخبـاره

يبي يفنا قصبكم والعلـوم معقـده وصعـاب

ولن طال الزمن كل (ن) يبي يرجع على داره

راشد السحيمي

فلا عاش الخبيث اللي يحرضنا على الارهاب

ولو عشنا بدال الما الطبيعـي فـوق قطـاره

ترا ماهو بعيد احول الصادق علـى الكـذاب

ولاعاش البخيل اللي يمينه تسـرق يسـاره

صح لسان شاعر حرب / راشد السحيمي
و الشاعر نامي السلمي
و مشكور يا ابو رعد على هذا النقل الجميل

عاش راشد وعاش السلمي

مشكور

الله يعطيك العااااااااااااافيه

الحب الباقي


شكرا على مرورك