الشعر له مع خافي الروح ميـلاف=محبتـه سـادة علـى مجتمعنـا
اقـدره تقديـر فايـق للاوصـاف=ازود من اللـي زاد فيهـا ولعنـا
وانظم على الطا زايد النون والكاف=لاهب نسناس الشجـون ودفعنـا
اما على موقف بتصويـر ميقـاف=أو غالي ٍ من بعد وصلـه قطعنـا
اخذ مع الهوجاس سهل ٍ ومشراف=والكون كلـه والفضـا ماوسعنـا
واصخر افكاري على وزنة القـاف=واشد مبناها على سـاس معنـى
والشعر كانه ماجلب جملة اهـداف=يصيـر مـردوده لنـا مانفعنـى
حيثه رساله تنحمل فوق الاكتـاف=نعطي فوايد نـاس تاتـي تبعنـا
نصون ممشانا عن الحيف وانخاف=مـن زلـة ٍ مردودهـا مارفعنـا
هذي مبادي ناس حنّا لها اسـلاف=واجـب نطبّـق منهـم ماسمعنـا
مانقبل السيه ونسعـى للانصـاف=والجور لو نرضاه سبّـب وجعنـا
نفزع مع الصاحب إلى صابه خلاف=ولـو انجحـد معروفنـا ماقنعنـا
مايجحده منزل تبـارك والاحقـاف=يزيـد رفعـة شاننـا لا ورعنـا
هو ملتجانا بالزمن رغد واعجاف=عنده فرج ماصابنا لاوقعنا
اقولها ماني على القـول حسّـاف= في منتدى لجل الشهامه جمعنا