ابو عادل=
اعداد ماتُقطع الاميال=واعداد صوت الملبينا
سلام فيه انشراح البال=ممشاه حسب القوانينا
ابو عمر=
يامن لكم فالحشاء منزال=ياهل الوفا يالميامينا
ترحيب تضرب به الامثال=والليله اسعد ليالينا
ابو عادل=
عسى البقى ياثقات رجال=حسب الذي بيننا جينا
ولاتنقطع موجة الارسال=قود المثل يامصافينا
ابو عمر=
تشريفكم غاية الامال=ياللي على الطيب ماشينا
قن المثل ماعليه جدال=وانتم فنهجه ربابينا
ابو عادل=
زدنا شرف والفرح فاقبال=وشوفتكم اغلى امانينا
وياسادة القيل ياالعقال=الطرف بالدمع مشقينا
ابو عمر=
ماباس يامشتكي من حال =زود علينا شكاوينا
لكن سبب دمعك الهمال=لابان تسمع فتاوينا
ابو عادل=
مايكمل الشرح فأستعجال=اسنين نشكي ماسينا
كل ماانبرى جرح عاد وزال=ويعود لاعاد مبكينا
ابو عمر=
المشتكي بان.صبره طال=لكن عيا يرسًينا
شمس المعاني حجبها خيال=لساعنا فالعناوينا
ابو عادل=
هيا استمع ياجويد الخال=فالواقع اللي معنّينا
لااقبل دموع الفرح تنهال=ولااقفى تهامل مأقينا
ابو عمر=
باب الامل ماانقفل باقفال=حسب الذي منك ياتينا
بس الذي مسبب الاشكال=اشبه مايرسي على المينا
ابو عادل=
اسنين شايل حمول ثقال=فالقلب صوته ينادينا
زينه وطاريه بعد المال=توضيح واقراه ياخينا
ابو عمر=
صلاح. مافيه شيء محال=ومهما الماسي تبارينا
إعلم ترى للعقد حلاّل=امدبر الكون وآلينا