=( ناعم العود )
يا ليت قلبي يسمع الراي ويطيع= ما كان ضاع العمر كلــّــه في رجاه
ما شافت عيوني بها الكون الوسيع = أحــد ٍ يـباري ناعــم العـود بحلاه
يوم إنها تمشي لها صوت وقريع = كنــّهــا مـهـره تــسابـق بالفــلاة
قطعة من الألمــاس والدر الرفيع = أو كــنّهــا نجـم ٍ تـلالا فـي سـمـاه
والورد باوجانه عـلى خـده يميع = والشعـر كـنـّـه عـلى جسمه عـبـاه
لا من لـمحته كل ما فيني يضيع = قلبي وروحي كلهــا تمشي وراه
أصبحت في حبه مثل طفل ٍ رضيع = ما يــستريــح إلا ّ إذا أمـه معــاه
الحب ما يجعل من السيـّد وضيع = ونا حسافة ضعت كلي في هـواه
هـواه فـيني قـطع القلب تقطيع = ومن زود حبّه ما قوى القلب فرقاه
هــذا وكل الخلـق والعالم جـميع = ما ضنتي يملون عيني ... من غلاه
الحب ماله من قوانين وشفيع = اللــه يعـين اللي عشيقه هــو بلاه
=شعر/ضيف الله البدراني (أبووليد)

المشاركة الأصلية كتبت بواسطة ابن خيرالله الردادي (المشاركة 450889) الحب ماله مـن قوانيـن وشفيـع الله يعين اللي عشيقـه هـو بـلاه الأخ /ضيف الله البدراني (أبووليد) الله يعين وابداااااااااااااااااااااع راااااااااااااااااااائع بيض الله وجهك يابو وليد وصح الله لسانك ولله درك تقبل اجمل التحايا ودمت ودام ابداعك

المشاركة الأصلية كتبت بواسطة الحب الباقي (المشاركة 451277) صح لسانك مليون على القصيده والله يـعـطـيـك الـعـافيـــــــــــة بيض الله وجهك