حزن اليتيم
السلام عليكم ورحمة الله وبركاته
أضع بين يديكم هذه المتواضعه واتمنى ان تنال على استحسانكم ورضاكم
شفت اليتيم اللي همومه تحوفه=شفت اليتيم اللي فقد لمسة الود. أخوكم شفته لحاله جالس بجنب طوفه=الناس ضده والزمن صار له ضد. جسمه نحيل ومايدفيه صوفه=عمره ثمان سنين والعمر له حد. جاهل كثير اللي بوقته يطوفه=في دنيته مافرق المزح والجد. حزنه على وجهه تبين وصوفه=سارح يفكر فرق هاليوم عن غد. قربت صوبه والهموم أمعروفه=ناديتله يافلان يافلان مارد. مسكت يده وأنتهض في وقوفه=لد النظر فيه وعاجز عن الرد. في لحظه الأحزان همه يلوفه=مديت له يدي وباليد لي مد. ومشيت أنا وياه بعرف ظروفه=سألت عن حاله رفع عينه ولد. دمعه على خده وهمه بجوفه=قال الظروف القاسيه مالها عد. قال الحقيقه من برائة حروفه=الأم ماتت قبلها الأب والجد. وسل الزمان اليوم قدمي سيوفه=عايش لحالي والزمن صار لي ند. ماكني الا ذنب كلن يعوفه=عجزت لصبر هم يجُبر على الصد. روحت من عنده عسا الله يروفه=روحت من عنده و دمعي على الخد. وخوفي يناديني و دمعي يشوفه=الله يعينه بالصبر والصبر سد. سد الجروح اللي عساها أمخلوفه=في وقت قاسي مايجامل ولا حد حمود الجابري |
الشاعر حمود صح السانك
وعلى كل ابوحال اني حزنت اكثر منك ومنه والله ماخلق خلقه الا يعتنيبه |
الشاعر حمود الجابري
صح السانك قصيده ماثره |
صح الله لسانك
ولاهنت وسلم فكرك وبنانك دمت برعاية الله وحفظة |
صح لسانـكـ وعـلا شانـكـ ...
رائعـة من روائعـكـ ... كما عودتنــا .... لا عدمنـــاكـ يالغالي |
صح السانك وبيض الله وجهك اخوي حمود
لاهنت الله يعطيك العافيه |
صح الله السانك
قصيدة عانقة السماء بجزالتها وأبداعها تحياتي لك |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
غازي الزغيبي
صح بدنك والله يعطيك العافيه |
الشاعر المبدع حمود الجابري صح لسانك وطبت وطاب مسعاك ولاهنت على مشاعرك الفياضه نحو هذه الفئه وبهذه اللفته الكريمه منك بهذه الابيات احس المتلقي بحاجة هؤلاء ومد يد العون لهم من كل الخيريين مثلك وشرواك وشرو كل المتواجدين والمشاهدين لاهنت لاهنت لاهنت
والله يجزاك خير الجزاء ويجعلها في موازيين حسناتك والله يحفظك ويرعاك |
الساعة الآن 05:20 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir