|
على العز يا بن حجاب اقدم كفيت العوق
على السابق الي فوقها كاسبين النوق = برز فارس للمجد يمناه مطلقها تطير عسام القاع من عزمها الماثوق = وخيالها بريح العزاوي منشقها يبي عشقة العشاق با الماقف المرموق =وعادات خيال الجزيره يحققها فزوع الظفر يا بان بين الصفوف افروق = جموعٍ تزاحم يا قدمنا نفرقها على حدودنا ما نقبل الطق والمطقوق = الاشناب يا فتلت علينا نحلقها كلامٍ براهينه نعدل عليها احقوق = ماهي سلعةٍ في سوق جمله امرقها الى اليوم شلفا ذياب في عنتر المشنوق = والاسواق تحمل سيته راح محرقها ظفر با العرين وعلق الليث با المعلوق = ومع الخالدات ابصفحة المجدا وثقها رموزٍ بها يسمحلي الذوق والمنطوق = ولا ني على غشم المراميع سايقها عبر شاعر المليون ينزلهم من فوق = وثمين الجواهر راعي الصنف يفرقها هل الصنف تفرق ويتخثع بها المطفوق = اصابع يدينه يا سمعها يطققها عباب البحر من ضرب دانوقها مفلوق = قوارب مصيدة السمك موجه اغرقها على طاولة خمس المراجع تشف ابذوق = مثل شفة الفنجال من كف ذالقها حوت سر جوهرة لها رمز با الصندوق =عليه الضلوع العوج بقفال مغلقها عليها شعار المملكه شامخة عذلوق = شموخ النخل والسيف الاملح مرافقها من اربوع نجد الحونها يشدي الطاروق = ديار الملوك الي ترف رف بيارقها عسى الي موحدها مع المصطفى مرفوق = بنعيم الجنان الي تنضد نمارقها عريبٍ عسفها عقب ما طال فيه الشوق = بعدله يقص ارقاب وارقاب يعتقها و تسامت لبو تركي وما فات له ملحوق = مسح دمعها وفلت شعرها وعانقها تحول على دارٍ عليها السحاب ايسوق = يشوق مخايلة الحيا ضوح با رقها على دولةٍ فيها لزين الجواهر سوق = بلاد الرجال الي تواصل تفوقها عسى زايد الحكمه من ام الضا معتوق = عدد ما بنا واعداد بيضٍ مطبقها وحكيم العرب ورث خليفه كما الشاهوق = على درب زايد كل عليا توسقها يدور على الي يا وصلها مهو مسبوق = ويا شافها قبله لقا ابوه طارقها تساند على ضلعٍ ضرب با النواة اعروق = تعدة عروقه مركز الارض لعمقها تعوذ حمل وزر المانه وحجم الطوق = وقسمها على خمسه وحلف مصدقها حبال الامانه مستديره بخمس عنوق = ولله حكمه يا اينعة روس يشنقها على العز يا بن حجاب اقدم كفيت العوق = تحيزم لها وانت الطويله معاشقها تباركلنا فيك الجزيره وحنا انتوق = نوزع بطاقات الفرح في مناطقها |
صح لسانك
وبيض الله وجهك على القصيدة الرائعة دمت مبدعاً ومتألقاً تقبل تحياتي واحترامي |
صح لسانك اخوي
و احنا في انتظار مثيلات لها دمت في حفظ الرحمن |
صح الله لسانك
ولاهنت وسلم فكرك وبنانك دمت برعاية الله وحفظة |
صح لسانك
.. .. أسجل اعجابي بالقصيدة .. ويعطيك العافيه .. |
اقتباس:
صح بدنك وشاكر حضورك |
صح لسانك
وبيض الله وجهك |
اقتباس:
ماشاءالله الشاعر القدير خالد الحصني ابدااااااااااااع راااااااااااائع يعطيك العافيه على هذه الشامخه المتميزه لله درك ونتمنى التوفيق لشاعرنا زياد بن حجاب النحيت في مسيرته وهو كفو ويستحق المسانده بيض الله وجهه كما لايسعني امام هذه الرائع سوى اني اقول بيض الله وجهك وصح لسانك على مسطرته من ابداااع تقبل اجمل التحايا ودمت ودام ابداعك |
مشاعرك ياخالد على البال دوم اتوق ولاهي غريبه وانت للطيب سايقها مشاعر قبيلة حرب ترجمتها طاروق من غرب الجزيرة لين حتى مشارقها سلمت اخي خالد الحصني ولاهي غريبه هذه المشاعر الطيبة انت مبدع والشاعر زياد يستحق هذا والقبيلة لا شك انها تستحق الشئ الكثير دمت لنا مبدعا ودام قلمك واحاسيسك لنا عبر هذا المنتدى الراقي شكرا من الاعماااااااااق |
اقتباس:
سود الهدب اشكر حضورك وصح بدنك |
الساعة الآن 06:43 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir