مادام السالفة صارت مشايط=وقت(ن) يشتهر فيه المهايط
ابا البس مشلحآ شقراء وغني=وهايط مثل غيري من يهايط
واقول اني رجل ما فيه مثلي= من علوم الوفاء مالي خرايط
مشارك في فتوحات الجزيره=نهار(ن) ساط فيه الناس سايط
وشاركة الشواعير القدامى=بساعات الرخاء وإلا الشطايط
وأنا لقلتها ماهي غريبه=غريبه من ملقطة اللقايط
يبون يحولون الحب قبه=ونسوا ما بالسجل وبالخرايط
وجو قدام ضربه هم سببها=ولا حطو لها سد(ن) وحايط
وحايطها التوقع والركاده =عن اللي ما تخيطها المخايط
جبرنا الوقت بس الامر لله=نهايط بس عن ذاك المهايط