ملتقى قبيلة حرب الرسمي - سالم العرم .... والدنيا كما يراها

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - سالم العرم .... والدنيا كما يراها (http://www.m-harb.net/vb/showthread.php?t=38680)

سالم العرم .... والدنيا كما يراها

الفتاة اللي تخونك بعد عيشتك الهنيه=يوم تسقيك الحلا وايام تسقيك المراره
اضحكت لي واضحكت لك بالليال الاوليه=ونتتبعها ونمسك عندها جندي خفاره
آه يافيها من الميزات هذيك البنيه=ورطتني كالشجيع اللي تورط بالسجاره
العيوب عيوبها لكن تحط العيب فيه=افتحت لي بابها ثم ادعت سوء الزياره
والله انها ضيعتني بين ذيك وبين ذيه=قدمها ضاعت علومي ياخساره ياخساره
ماني مصدق وتشبه لعبة الكاميرا الخفيه=احسبني شاطر وصارت هي الاكثر شطاره
والله اني ضدها قررت ابرفع لي قضيه=واشتكيها بالمخافر والمحاكم والوزاره
كيف تغريني بطيبتها وطلعتها البهيه=كيف قالت من دخل في داره فالدار داره
كيف قالت ودي اعلمك فن النرجسيه=قالت ان حبيتني حطيت لك منصب واماره
كيف تنسينا القرابه والخوي ينسى خويه=خلت الرجال ينسى صاحبه ويبيع عاره
كيف خلت من فعل بك خير تفعل فيه سيه=مد لك يمناه في وقت الشدايد عن يساره
نيته وحده يومنك لك ثلاثين الف نيه=من جهوده صار لك عند العرب قدر وقاره
اه يادنيا بك الفقراء وبك ناسٍ غنيه=والسعيد اللي عمل للاخره واختار داره


	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك
على القصيده الجميله
والله يـعـطـيـك الـعـافيـــــــــــة

الأخ سالم العرم

بيض الله وجهك وصح لسانك

وكان خاتمتها

اه يادنيا بك الفقراء وبـك نـاسٍ غنيـه
والسعيد اللي عمل للاخره واختـار داره

نعم هنا العقل والتعقل والحكمه

يعطيك العافيه يالغالي

تقبل اجمل التحايا

اشكركم على مروركم العطر

صح لسانك

وبيض الله وجهك على القصيدة الرائعة

دمت مبدعاً ومتألقاً

تقبل تحياتي واحترامي

صح الله لسانك
ولاهنت
وسلم فكرك وبنانك
دمت برعاية الله وحفظة

تشرفت بمروركم العطر بيض الله وجيهكم

اعجابي بلا حدود

صـــح لسانك

صح لسانك
..
..
أسجل اعجابي بالقصيدة
..
ويعطيك العافيه ..