غروب الشمس قلبي سارعني =وأنا من دون قلب الليل كله
غشاني مع ظلام الليل حزني=توسدت الهوم وكل عله
أجر الآه تلوا الآه كني=على المحماس يصلوني لدله
ويوم أصبح شعاع الصبح... وني=هذاك القلب من حملٍ يقله
لفاني يجر خطوات التأني=وأنا في لهفته وانظر محله
( شقاوي ) من رقيق الحس جني=أثاري قلبي راح ليم خله
نهرته... وإن قلبي ..ضاق مني =يقول : قليب في صدرك تذله!!!
نسيت إنك عليَه ذا تجني =وسيف القطع ماتهقى و تسله
وهجر الترف يالصاحب ذبحني=حرام الهجر والله فكل مله
بعيد الدار ما فكرت تدني=وخلي لا ذكرك الدمع هله
وقلت البعد ياقلبي حرقني=وحبل الوصل مافكرت احله
ولا ياقلب فيه لا تظني=أنا اللي لا يبس عود (ن) أبله
أنا اللي في وداده دوم أغني =وأنا اللي جارهم ياقلب أجله
( تخيل ) خلي من خلفي طعني=ترا مايشوف مني ذكر زله
( تخيل ) خلي من كبره هجرني= ترا ياقلب ذكره مانمله
ولكن الحقيقه دوم يبني=صروح الوصل واسكني بفله
ضلوعه سورها وطيبه سحرني=كساني من وفاه اليوم حله

المشاركة الأصلية كتبت بواسطة الحب الباقي (المشاركة 437511) صح لسانك مبدع بكل حالاتك تقديري

المشاركة الأصلية كتبت بواسطة بني سالم (المشاركة 437599) صح السانك بيض الله وجهك وفالك البيرق

المشاركة الأصلية كتبت بواسطة الشاره (المشاركة 438209) صح السانك بيض الله وجهك

المشاركة الأصلية كتبت بواسطة مطرح القعدان (المشاركة 438556) صح لسانك وبيض الله وجهك على القصيدة الرائعة دمت مبدعاً ومتألقاً تقبل تحياتي واحترامي