|
الاولة محدن كسبها سوا حرب
هذه القصيدة كتبتها لأهديها لقبيلة حرب عامة لما تربطني بالكثير من رجالهم ومشايخهم من علا قة حميمة وروابط أخوية وثيقة فمنهم الجار ومنهم الصديق ومنهم الزميل ومنهم الكثير من الأرحام ومنهم البناخي وقدكتبت ليلة السبت الموافق 27|1|1430ه وحرب يستاهلون أكثر فأرجوأن يقبلون هديتي المتواضعة ويعذروني في القصور
قضيت نصف العمر من درب في درب=يرتاح بالي يوم اشد الرحايل واروح يم الشام والشرق والغرب=ومااسيّر الاقدام في درب مايل جربت لين الوقت والعسر والكرب=الوقت جاريته بكل الوسايل النفس أجزيها عن الأكل والشرب=ان شفت بيني وبينها حال حايل عايش عزيز النفس في البعد والقرب=والجود من ورث الجدود الاوائل واعرف حساب الجمع والطرح والضرب=عندي حساب ببنك كسب الجمايل وكل الدّير لي من أهلها خوي جنب=نعم الرجال ومن عيال الحمايل والاولة محدن كسبها سوا حرب=ماقولها ذمة في باقي القبايل أللي معانا كلنا للوطن شعب=وميقافنا واحد نهار الهوايل شعب الجزيرة صعب ويريض الصعب=اهل الوفا والطيب واهل الفعايل |
صح لسانك يالعامودي وبيض الله وجهك وجمل الله حالك
ولاعليك زود وحرب يستاهلون الكثير والكثير |
عايش عزيز النفس في البعد والقـرب
والجـود مـن ورث الجـدود الاوائـل صح لسانك يالعمودي نص رائع جداااااااااا لي عوده باذن الله |
صح الله لسانك
ولاهنت وسلم فكرك وبنانك دمت برعاية الله وحفظة |
السلام عليكم ورحمة الله وبركاته سلمت ودمت أخوي الشاعر العامودي على القصيدة . . . جزله ورائعه وصح لسانك أخوك ابوساره |
صح السانك يالعامودي وبيض الله وجهك
على القصيده الجزله والصدق والفاء الغير مستغرب من شخصك الكريم |
صح لسانك كثر حروفها واكثر والله
قصيدة جزلة بالحيل ، وكل قاف احسن من الثاني . تحياتي |
|
اقتباس:
بيض الله وجهك وصح لسانك والوفاء طبع الأوفياء وهذا دليل على طيب معدنك يالغالي ومايذكر الطيبين غير الطيبين اللي مثلهم الله يعطيك العافيه ودمت ودام ابداعك تقبل اجمل التحايا |
الى جميع الاخوان يامن أنار مروركم المشرق متصفحي المتواضع أشكركم كل الشكر على مروركم وأقول لكم بيض الله وجيهكم وما عليكم زود فأنا مهما كتبت فلم أوفيكم حقكم فأنتم أكبر وأعلى من ذلك ولكن العبرة بما في القلوب وليس بما هومكتوب وتقبلو مني كل التقدير والاحترام |
الساعة الآن 12:01 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
