ملتقى قبيلة حرب الرسمي - للأمـــام يازيـــاد بن حجاب ... مبروووك التأهل

السلام عليكم ورحمة الله وبركاته

في البداية أباركـ لكم ولنفسي تأهل ممثل القبيلة الشاعر زياد بن نحيت للمرحلة المقبلة الـ 24 دايركت

بعد حصوله على ثاني أعلى درجة من اللجنة 44 من 50 .

بجد فخر لنــا http://www.s77.com/3DSmile/05/Saudi_Arabia.gif

شعره كان رائع
والاكثر من ذلك .. ثقته بنفسه وبشعرهـ

[]للأمام . يااااااابن نحيــــت
http://www4.0zz0.com/2009/01/08/22/774027748.jpg

وهذي قصيدته اللي شارك فيها ..

غلطه قديمه وانتهت لكـن بقـا الجـرح العميق
اللـي يبـي يبقـى علـى مـر الليالـي مالتئـم

آسف لاني ماقـدرت اصبـر وغيـرت الطريـق
وآسـف لانـي ماقـدرت افهَـم اللـي مافـهـم

بركت للحمل الثقيل وطقـت لـو ماكنـت اطيـق
مـن شـان لاقالـوا زيـاد يقـال والله والنـعـم

لكـن نعـم مفعولهـا ماياصـل يديـن الغـريـق
اللـي لمـد ايديـه لـلـي مايطيقـونـه سـئـم

ولاعاد يسوى فـي عيونـه لازفيـر ولاشهيـق
شيئ يجـي , تقفـاه منـه يقطعـه لوهـو نسـم

مسرح جريمة قصتي اكثر غموض مـن الحريـق
اللـي تضيـع بـه الدلائـل والقرائـن والتـهـم

مافيـه امـر مـن الصديـق لياتنكـر للصديـق
ولافيـه بالدنيـا اهـم مـن المهـم الا الاهــم

الياصرت بالحالـك فريـق وفيـه قدامـك فريـق
وتخاف بكـره لانهزمـت يقـال مسكيـن انهـزم

خذلـك طريـق تظمـن انـه بالنهايـه مايضيـق
وان طعت شوري خذ طريق الله ترى مابـه نـدم

وانا استخرت الله وعينـي خايلـت قمـة طويـق
القمـه اللـي فوقهـــــا رفـرف للامجـاد العـلـم

والله لعانـق راسهـا مادامنـي حــر طلـيـق
حــــر اليامنـه شلــــع مـن سرعتـــه مثـل السهــــم

ماعادت احلامي على خبرك ترى خبـرك عتيـق
وان شفت بعيونك هرم , حلمي على راس الهــرم

لي مده احلامي من العالي علـى الجزلـه تويـق
صافحت كف المستحيـل وقـال : مـد ام الشحـم

انا بـرئ مـن اي حلـم يلبـس ثيـاب الرقيـق
ان ما امتــطى صهـــوة جـواد العـز بالله واعتصـم

طموحي اخدم امتي وان مت يبقى اسمـي عريـق
قبــلـي فهـــــد خـادم لبيـــــت الله وعبـد الله خـدم

اقسمت ما انسى واجبي واخترت لـي درب يليـق
وانـــــا هنــا والا هنـا مــا انســـى انــتمائـي والقـســـم

مادام نيشان الفخر له في سمـاء صـدري بريـق
وشلون نيشان الولا اللي داخل القلـب انرسـم!!

جدي وابوي معاهديـن الديـن بالعهـد الوثيـق
وانا على نفس الطريق اقسمت والوضع انحسم..!!

الشيخ الشاعر : زياد بن حجاب بن نحيت
(قصيدة المشاركه بالحلقه الخامسة من برنامج شاعر المليون)
1430هــ

http://up1.m5zn.com/photo/2009/1/6/04/qj4etx2a8.bmp/bmp

[color=FF1493]تحياتي

رحيـــل[/color]