الله يابو خالد على الخير يقداك=ويطول بعمرك ويصلح عيالك
وجعل المنايا يالسحالي تعداك=وعلى السعد فالك وفالك وفالك
الطيب من راسك ليـا حد ماطاك=اقولها بالشعر لا جـاء مجـالك
لا عابـدٍ هذا ولا خاف من ذاك=ياريـف من ضاقت عليه المسالك
رفعت راس اللي من الضيق ناجاك=وجاك وتكلم وألتجاء وألتجالك
قول وفعل ماوالله أطيب مزايـاك=الطيب يمـي حمًـلنـه جمالك
احـس في فزعتـك وافخـر بطريـاك=كنك مسلمـني مفاتيح مـالك
هذي هي افخر ماوصل من هداياك=الماء بعيد ويـاردنه حبالك
ليا اضرمت روس الرياجيل تنصاك=كيف النشاما ينوجد في دلالك
اقـولها واقولها لا عـدمـنـاك=يالنمـر ياللي نـلتجي في ظـلالك
محدٍ مسوي يالسحالي سواياك=على التعب والطيب ياوسع بالك
وأيضا ليا دارن دواليب الافلاك=الخصم مايقربك من قو جالك
حـربي تحدا اللي بطيشه تحداك=ليا قام يرقص له قرينه وجالك
ترى الرجال ابطال مثلك وشرواك=بالمرجله والطيب منته لحالك
انا بقول الصدق واذكر مزاياك=وفي مدحت الطيب يحق المشارك
يارب انا طالبك عفوك وحسناك=اغفر ذنوب اللي سجد لك لحالك