يامن عضاه الحمل والعظم لانت=وأمسى على ما قيل كلٍ يكزه
لاتقول ما كانت ولا تقول كانت=ولا تقول حنَّا وارثين المعزة
من هانها نفسه على الناس هانت=ومنه يعز النفس كلٍ يعزه
ياكم من نفسٍ بعد عز عانت=وياكم من رجلٍ هوى النفس هزه
أيامنا لو هي بعض وقت زانت=ماهي على مانريد في كل حزة
ياصاحبي إن ساعة العز حانت=رأسٍ يحدك عن سناء العز جزة
دنياك لا تغريك لو كان دانت=الرجل ماله غير فعله يرزه
لاتقول تالي وقت وأيام شانت=من عز روحه تالي الوقت عزه
من شاف ربعه للمواقيف بانت=وفز في الميقاف عشرين فزة
ما خانها في يوم الأنذال خانت=ولا يشتكي يومٍ على النذل لزه
نعمين ياربعٍ رقت ماتوانت=ولاخير في رجلٍ عدوه يوزه