يا صاحبي دام الفكر ما بعد عاج=وكثر الكلام وبان للهرج عَجَّة
الصمت يغني عن مجاراة هرَّاج=ولا شفت منه يعلج الهرج مجه
راع المثل قاله على كل عجعاج=(الصوت رفعه يافتى ضعف حجة)
لا خير في رجلٍ يجي صوته أنواج=مره يخفض الصوت وأُخْرى يدجه
العاقل اللي حطّ للهرج منهاج=ما يختلف لو عاش ألفين حجة
في برج ما ينزل ولا فوقه أبراج=بُرْجٍ جويد الساس ما أحدٍ يرجه
تسمع حديثه كنِّه الغيث ثجاج=سلسال من لب المعاني يسجه
عزاه يا رجلٍ لقي طب وعلاج=ومالف فتق الثوب من دون صجه
يهج في الهيجاء كما هج هلباج=عينه على المرقاب وخطاه فجة
من سج في الظلمة بلا نور سرَّاج=والبحر ساكن والبلاء تحت لجه
يقفل على المفتوق في داخل أدراج=لا يروح سره عند واحد ينجه
هذا كلام اللي له الصدق مخراج=لا زاغ منهاجه ولا فيه زجه
وكان الفكر ياصاحبي مابعد راج=الثوب ثوبك والسماء فوق عِجَّة

المشاركة الأصلية كتبت بواسطة ابن خيرالله الردادي (المشاركة 421994) الله الله الله لافــــــــــــــــــــــــــــــي بيض الله وجهك وصح لساااااااااااااااانك ابدااااااااااااااع لايوصف سوى بالجزاله لله درك تقبل اجمل التحايا ودمت بخير

المشاركة الأصلية كتبت بواسطة غازي الزغيبي (المشاركة 422026) لافــــــــــــــــــــــــــــــي بيض الله وجهك وصح لساانك

المشاركة الأصلية كتبت بواسطة لافي (المشاركة 421883) يا صاحبي دام الفكر ما بعد عاج=وكثر الكلام وبان للهرج عَجَّة الصمت يغني عن مجاراة هرَّاج=ولا شفت منه يعلج الهرج مجه راع المثل قاله على كل عجعاج=(الصوت رفعه يافتى ضعف حجة) لا خير في رجلٍ يجي صوته أنواج=مره يخفض الصوت وأُخْرى يدجه العاقل اللي حطّ للهرج منهاج=ما يختلف لو عاش ألفين حجة في برج ما ينزل ولا فوقه أبراج=بُرْجٍ جويد الساس ما أحدٍ يرجه تسمع حديثه كنِّه الغيث ثجاج=سلسال من لب المعاني يسجه عزاه يا رجلٍ لقي طب وعلاج=ومالف فتق الثوب من دون صجه يهج في الهيجاء كما هج هلباج=عينه على المرقاب وخطاه فجة من سج في الظلمة بلا نور سرَّاج=والبحر ساكن والبلاء تحت لجه يقفل على المفتوق في داخل أدراج=لا يروح سره عند واحد ينجه هذا كلام اللي له الصدق مخراج=لا زاغ منهاجه ولا فيه زجه وكان الفكر ياصاحبي مابعد راج=الثوب ثوبك والسماء فوق عِجَّة