|
انــــا والطفـــــــــل والمظــــــــروف..
ماني وحيــدك يالعيون الكحــيله """ لكــــــن وحيد الحب في صدق لقياك الصبر ماهــــو كل قـــلب يشيــــله """ الا صــدوق ٍ مطلبـــــه كسب لاماك اسهر على الرجـــوى ليال ٍ طويله """ وافوع لاجابو علومــــــك وطرياك مازلت اشوفك بالعيـــون الجليله """ واقول لو هام الدهر فيـــك مانساك حتى لفا المــــرسول عينه هليله """ طفل ٍ مايدري وش وصالك وفرقاك اسمي على المظروف جابه يشيله """ (دعــــوه) يشرفنـا حظورك ولقياك ياخاينـــه وين العهـــود الجميله """ راحـــــت سراب لاسقــاني ولاارواك ماعاد ليــــه بالمقاديــر حـــــيله """ باهـت عزومي من سبايب جفايـــاك انا الصويـــب الي ركونــه عليله """ مطــعون بخيانه على جرة اخطـــاك ارجـي العطــايا من يدينـن ٍ بخــيله """ متعلـق ٍ بك مــير شحـــت عطايـاك بس اذكري في سالف الحب ليله """ يومني اسعى في وصالك ومرضاك ازوركم والقـــلب شوقـــه دليلــه """ شفـــي بفنجـــال مســـوىً بيمنـاك لوا خســــارة.. نقضتــــك للجديله """ عند اللـذي مـاهل دمـعه برجواك يــــوم انكشف سر الخليل لخليله """ حطمتـــي عروش المحبــه بفرقاك وسلامتكم وتقبلوا أجمل تحياتي .. حمدان مخلد الغيداني [/ |
صح لسانك وعلا شانك
بانتظار جديدك الممتع00 تقبل تحيتي وتقديري00 |
صح لسانك يابو حازم
وبنتظااار جديدك |
الأخ حمدان مخلد الغيداني
بيض الله وجهك وصح لسانك ابداع رااائع يالغالي تقبل اجمل التحايا ودمت بخير |
بيض الله وجهك وصح اللسانك الشاعر حمدان
قصيده عانقة سما الابداع والروعه واحوت واحتوت الجمال وقوة اللفظ لاهنت الله يعطيك العافيه |
صح لسانك وسلم بنانك
قصيدة في غاية الروعة :::::::::::::::::: |
لاهنتم جميعاً على هذه الإطلاله التي أسعدتني وتقبلوا مني كل الشكر والتقدير
|
قصيدة جميلة محكمة الوزن والقافية اتسمت بقوة التعبير تدل على قوة وقدرة الشاعر / صح لسانك اخوي وبيض الله وجهك
|
|
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 08:19 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
