|
بيت الأمارة
اهداء للشيخ عبد الله بن محمد بن نحيت بمناسبة زواج ابنه محمد
بيت الأمارة نعرفـه زيـن وندلـه=ما نوقف الجمس لين نصير في ضله امـا نطحنـا بخفـت نابتـه سالـم=وإلا احتوانا كـرم هـداج عبـد الله شيخٍ جزمنا على المشوار من شانـه=لـه إلتزمنـا وفـا وافيـن وجبلـه ما ياسع العذر دونه من تعـذر لـه=ياكبرها لو تعـذر عنـد خلـق الله حقه علينا نجي ونشـارك افراحـه=حتى لو انـه ورى بغـداد والحلـه ابسط حقوقه علينا راعـي الحيـزاء=والا حقوقـه تبـذ الحيـل وتفـلـه شيخٍ صدى صوت صيته ييقض النايم=ويجدد آمال حـيٍ فـز عـانٍ لـه مايستعيـر الأمـاره ورث جـدانـه=تزها جنابه فعل وبحـال ورثٍ لـه ابـوه قبلـه مـخـلاتٍ طواريـقـه=شيخٍ إليـا طـوّل المشـوار ماملـه لاعيفت اللي ترام تلوق فـي عينـه=لها تبيـن وصـارت دل مـن دلـه يهيم فيهـا و فيـه تهيـم وتمـاري=حيثه لها يرخص المكنوز في حلـه عن سطوة الدين والا سطوة الحاكـم=ضله يضلـل وطبـه يشفـي العلـه وحجاب قبله شبيب الكل فـي دوره=والجد الآخر خلف وش عاد باقٍ لـه بين النواحل وبين حجـاب ومحمـد=الطيب ساسه عسى الأقدار تمهل لـه والمعذره ياهل الحيزاء عن الباقـي=لو مدحكم شف بال وشمـسٍ مطلـه لو جيت اعدد على السامع مزاياكـم=لأستنزف الوقت والأيـراع وسجلـه يا ويش ابا اذكر وويش اقول واخلي=مجـدٍ مواريثـه الوافيـن درعٍ لـه تاريخكم ياهل الحيزاء اليا انحـازت=اجموع الأعدى وجات الخيل منسلـه وافعالكم تنعـرف وتشـاف وتثمّـن=يوم المشوك حكم والسيف لـه سلـه واليوم ضل الحكومه ممـن الخايـف=الخيـر ظافـي وكـلٍ ساكـنٍ فلـه ذكرت موجز وضيق الوقت ضايقني=تمت وصلوا على الهـادي نبـي الله ناهس بن بدر بن ناحل |
ناهس بن ناحل
صح السانك كفو للممدوح والمادح وما عليكم زود يا النواحل صح السانك |
صح لسلنك على هالقصيده القيمه جدا
والنعم بالجميع0 بانتظار جديدك الممتع00 |
شيخٍ صدى صوت صيته ييقض النايم
ويجدد آمـال حـيٍ فـز عـانٍ لـه مايستعيـر الأمـاره ورث جـدانـه تزها جنابه فعـل وبحـال ورثٍ لـه أنا اشهد صح لسانك وبيض الله وجهك يابن ناحل |
صح اللسانك
الشاعر ناهس الناحل ماهي غريبه عليك الجزله يالجزل |
صح لسانك يابن ناحل
وبيض الله وجهك صح لسانك مليار |
صح لسانك أخوي وكفو الممدوح والمادح
بيض الله وجهك |
صح السانك استاذي ابوبدر
فللحقيقه انت من الشعار الذين افادوني واستفدت منهم وشهادتي فيك مجروحه ولااقول الا بيض الله وجهك وصح السانك كفوللطيب والعلم الغانم المادح والممدوح لاهنت الله يعيطك العافيه |
ياسلامي عليك يابا بدر
صح السانك ويستاهل ابن نحيت اخي ناهس انته من اشعرا التي يصور الموقف اللي هو فيه دايماٍ مثل امـا نطحنـا بخفـت نابتـه سالـم وإلا احتوانا كـرم هـداج عبـد الله شيخٍ جزمنا على المشوار من شانـه لـه إلتزمنـا وفـا وافيـن وجبلـه ما ياسع العذر دونه من تعـذر لـه ياكبرها لـو تعـذر عنـد خلـق الله حقه علينا نجـي ونشـارك افراحـه حتى لو انـه ورى بغـداد والحلـه انا ابختار هذي البيتين حقه علينا نجـي ونشـارك افراحـه حتى لو انـه ورى بغـداد والحلـه ابسط حقوقه علينا راعـي الحيـزاء والا حقوقـه تبـذ الحيـل وتفـلـه وبيض الله وجهك |
اقتباس:
صح بدنك اخوي خالد ولا عليكم زود |
الساعة الآن 01:19 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir