أعجبني الحادي بطرق الهلالي=وهجرست توي بالهجيني أجاريه
ولياه في حاله وأنا أتعبت حالي=كلٍ على طرقه تحده معانيه
طرقه يهله من قراحٍ زلالي=وأنا شرابي عكَّر الوقت صافيه
من هم قلبٍ بين سالي وصالي=ومابين مليانه ومابين مافيه
مرَّة طعام المر يتلاه حالي=ومرَّة طعم حالي مراره في تاليه
وأنا بديت الحزن بأول هلالي=وهلال بأقفل به والأحزان تخفيه
والناس كلٍ للموالي يوالي=ماتعرف الوالي من اللي يواليه
عدٍ بلا دلوٍ عليه الحبالي=لا خير في دلوٍ تقطَّع عراويه
واحد تحسبه مثل صرف الريالي=وليا نصتك النايبة ما تلاقيه
وأحدٍ كما ثوبٍ من الشمس بالي=ماكل حملٍ لارتكى له يوقيه
وأحدٍ قمر مبداه وقت الزوال=مافاد نوره دام شمسه تغطيه
ولاذم من يكسر لغاليه غالي=لكن مرار الوقت ضيَّع حلاويه
العظم يجبر لانكسر بالعدالي=والخاطر المكسور منه يداويه
ولايشتكي عبدٍ من الهم خالي=لو كان مابه شيء بالحيل معضيه
لكن عسى رب الملا والجلالي=خالق جميع الكون مرسي رواسيه
يعين منه غرِّبته الليالي=وأمسى غريبٍ والبلاوي تحاديه
سبحانه اللي لابتلا بالبلاوي=كلٍ على قده ينزل بلاويه

المشاركة الأصلية كتبت بواسطة جريح الفرقا (المشاركة 418235) صح السانك الشاعر لافي قصيده جزله لاهنت الله يعطيك العافيه

المشاركة الأصلية كتبت بواسطة غازي الزغيبي (المشاركة 418239) صح السانك وبيض الله وجهك ، الله يحفظك ، لاهنت

المشاركة الأصلية كتبت بواسطة فايز الأحمدي (المشاركة 418258) صح لسانك يالافي وكلك جزلة من جزل عساك على القوة

المشاركة الأصلية كتبت بواسطة أحمد الحربي (المشاركة 418407) لافي صح لسانك ابيات اكثر من رائعه سلمت و دمت تحيتي