|
روايـــة منكــــوف
يقول من والَف على ولف مألوف=في بدع رَصَّعْ بالجواهر لحونه يروي روايه من روايات منكوف=مخلوق مِتْخَلِّقْ وخلقه تخونه خِلْفَة مِخَلِّف مِنْ تَعَب غير مخلوف=خايف على خِلْفَة خَلَف يخلفونه يعزف ولا يعزف على كل معزوف=مقرون من قرنين تَبْرى قرونه أهيف مهفهف منحنى غِرِّ هفهوف=أخضر حمر أشقر مِشَقِّر جفونه مبصر عمى مابين شايف ومكفوف=مِقْبِل ومِدْبِر في الهوى يعسفونه يسْرِي ويِمْرِي بين عارف ومعروف=ويرُود وِرْدٍ لاورد يارُدُونِه لا بان نجمه تقبل صفوف وصفوف=يحسب لموسم وسمهم ياسمونه رَجِّه زمانه قبل لا يرُوج ملهوف=وهَدْ وتهادا واهتدى عن ردونه ودانت نهاية مُنْتَهي غير مأسوف=وقرْ القرار وقرروا يتلفونه وأظلم ظلامه ظالم النفس مكتوف=في سارية ساري مسبل عيونه ولفَّوه في لفَّه من العِهن ملفوف=وسَدَّوه سَدْوٍ في مسد ينسجونه وتبدلت أوصاف تنسج من الصوف=من شر يُشْرى في بِشَر يشترونه هذا وأنا لاني مكلَّف ومكْلُوف=ولا أضن في عاقل وأخيِّب ضنونه أصوغ شعري بين مخفي ومكشوف=وأبني على ساسٍ شديدة متونه لاسيف أسعى به ولا حوله أطوف=وإليا دعاني ما أقصر الشوح دونه |
أهيف مهفهف منحنى غِرِّ هفهـوف
أخضر حمر أشقر مِشَقِّـر جفونـه مبصر عمى مابين شايف ومكفوف مِقْبِل ومِدْبِر في الهـوى يعسفونـه صح لسانك يالافي ،، رائعة |
اقتباس:
ورقان ، صح بدنك ، ولا هنت |
|
|
اقتباس:
الحب الباقي ، صح بدنك ، ووجهك أبيض ، تحيتي |
اقتباس:
حسين المعمري ، تسلم ماني بعيد ، وأنا .. أقدر أجوز عنكم ، صح بدنك ، ولا هنت |
صح لسانك وعلا شانك0
بانتظار جديدك00 |
اقتباس:
نداء الغيداني ، صح بدنك ، ولا هنت ، تحيتي لك |
الله الله الله
ابداااااااااااااااااااااااع يالافي رائع هذا التنظيم وبدع متميز لايجيده غير شاعر متمكن لله درك وصح لسانك وبيض الله وجهك تقبل اجمل التحايا ودمت بخير |
الساعة الآن 12:45 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
