خالد بن عبيد الاحمدي =
حلمت لي حلم مـن مـده = مافسره شيخنـا الرومـي
وشاروا علي ناس من جده = اعرض على قابل علومي
قابل البشري =
القاف عندي لكم ضده = اوفيه وابليس مرجومي
وان كان عندك مثل بده = ماني بالاحلام ملزومي
خالد بن عبيد الاحمدي =
جسـر الوهـم لجـلـك انـهـده = ونمشي على وضع مفهومي
لـك صـاحـب ٍ بـايـح ٍ ســده = حـقـه فـالايــام مهـضـومـي
قابل البشري =
شرواك يدي على يـده = أنصرك ظالم ومظلومـي
علمك على صاحبك عده = اللي منه صرت مضيومي
خالد بن عبيد الاحمدي=
مشكي هـوى مايـس ٍ قـده = عن الهوى معلن الصومي
بـلاي مــن نــاس منـخـده = عقرب بها ذيـل مسمومـي
قابل البشري =
لاتحسب اللاش وتعـده = لاجله من الطيب معدومي
والسامـة ذيلهـا جـده = قـدام بالشـر لايومـي
خالد بن عبيد الاحمدي=
قـلـوب الأنــذال مـسـوده =تهدف على كثرة همومي
والـلـي مــن الله مـــارده =رضيت بسمي ومقسومي
قابل البشري =
لاتجاري النذل في مـده = وعن فعلته ياخوي شومي
والله يعلم عمـل عبـده = عـلام ماعنـه مكتومـي
خالد بن عبيد الاحمدي =
طرفـي علـى الشيـن مالـده = طبعي عن الشين محشومي
وقلبي عـن الطيـب ماصـده = واعطي ولو كنت محرومي
قابل البشري=
مادام خطوتك ممتـده = بالطيب فالعلم محسومي
ومن سار بالطيب لابده = فايز وناويه مهزومـي