سلام يسما عـن التنْقيـد=من منْبع الصدق وإبـلاده
اللي ملكته بعنْـق وجيـد=وأسرفت ياسكّـر إزيـاده
ينصاك ياللي جميع الغيـد=تبدي لك الحـب كالعـاده
من باب مابالعطـا تقييـد=لبّييييه يـا سيّـد السـاده
إسأل وأنا أعاهدك ماتعيد=كـلام يزعجـك تـرداده
آمر تدلّـل بـلا تحديـد=خـدّام مصباحـك ونـاده
لو تلحق الفعـل بالتهديـد=وتسلّـم القلـب لسهـاده
مادام يرضي غرورك زيد=رضاك هو ثالث أعيـاده
معاك مهله ليـوم العيـد=عساك من ضمن عـوّاده
الصدر مايضْمر التنديـد=والعجز مـن دون نقّـاده
مير إنْتبه لاتجيـب العيـد=في غير وقتـه وميعـاده