صدمه وصابت كنها رمي بلجيـك=جتني على غفله بلا سابق انـذار
مسكين ياقلبـي زمانـك معنيـك=صدقت من قالوا على الوقت غدار
ياوقت ياغدار مالـي رجـا فيـك=اسقيت زرع الصبر مابان بثمـار
والحال يامضحي لها عام تبكيـك=ضايق علي الكون مع ضيقت الدار
عن حالتي لابـد الاجـواد تنبيـك=صار السلا عندي تفكـر وتذكـار
يالصاحب اللي لادعي قـال لبيـك=افزع لقلب ٍ يحرقه واهـج النـار
ارسله العدوان فيـروس تفكيـك=خـلا علاقـات المحبيـن تنهـار
وضعه من الوجدان ماضن يرضيك=سيطر عليه الحزن غارات وحصار
والعاذل المغبون من عيشتي ذيـك=اليوم يضحك شامت بكل ماصـار
عسى حياتك ياعضيـدي تهنيـك=وتعيش فالدنيا بلا ضيق واعسـار
والحاسد اللي بالمضرات ينويـك=يلقى غبينه وين ماوجهه وسـار
هذا جوابٍ جاك من شخص ناصيك=وارضي فؤاد اللي عليه الزمن جار
لجلي اعدك شيك مافيـه تشكيـك=نصرفه باليـورو ثلاثيـن مليـار

الله ياخالـد يحفظـك ويحمـيـك=والله يجيرك من بلا سوء الاخطار
والله على صدمات بقعاء يقويـك=والله يهي لك عن البـاس معبـار
اعرف تراء لك واحد(ن) مايخليك=علام ماتخفي عباده مـن اسـرار
ان مانوالك بالعطا ماحد معطيـك=لو افزعو لك فزعة الوالـد البـار
اللـي لايمنـك زبنتـه ينجـيـك=اخير من فزعات عامـر وعمـار
اللي كتب فاللوح ماهو بمخطيـك=سبحان من بيده تصاريف الاقـدار
الرزق لو في يديـن الصاعليـك=انكان دب الجوع في كل الاقطـار
ياخالد ابن عبيـد مانـي مخليـك=من لافزع جعله لقصاف الاعمـار
ماتملك اليمنـا فدايـا مواطيـك=للكسـر جهزنـا جبـاره وجبـار
ماكل صاحب لو ضحك لك مصافيك=مال المروه غير وافيـن الاشبـار
اخذر مشربك صاحبه فالشرابيـك=حرم على رجلك تمـره بمسيـار
لاهنت ياخالـد ولاهـان غاليـك=جعلت عزالنفس لك تاج وشعـار
دنيا العناء ماهي تغيـر مباديـك=مدام تملك بعـد نظـره وصبـار