|
صورة و قصيدة
يا باب ياللِّي راح نصفك مع الوَقْت= مِتْشبّث(ن) بجدار بيت الاحِبَّه تشكي فراق اهلك الى امسيت أو فِقْت= و تبكي على اللِّي تعَّبِكْ في مِشبِّه يا كثر زوارك منوَّلْ، و لا عِقْت= تفتحْ لهم ذِرْعان جود و محبَّه و يا كثر ما فاخَرْت في زينِك و مِقْت= و اليوم وجهك وَصفة(ن) للمسَبَّه و اليوم الى دشِّكْ خشاش(ن) تغَلَّقْت= و كبدِك من اللِّي حاصل(ن) مِسْتِصِبَّه قدامك المجباب قد ذاق ما ذِقْت= سواقفه طاحت و لا احد(ن) يطبِّه الظاهر اني في وصوفك توهّقْت= راسي مصَدِّعْ و اجْوَد الشِّعر كَبِّه يالآدمي مهما بداركْ تعلَّقْت= يجيك يوم(ن) كدر كاسك تعِبِّه دنياك ما تومَنْ و لو زانتِ و رِقْت= تبغَتْ فريستْها غَدِرْ ما تنِبِّه |
يا ليت المشرف يحذف هذه المشاركة المكررة وله شكري بعد الله و امتناني |
|
صح السانك الصييفي وبيض الله وجهك
الصوره معبره والقصيده تشرح معاناه الحقيقه ابدعت الله لايهينك |
دنياك ما تومَنْ و لو زانتِ و رِقْـت=تبغَـتْ فريستْهـا غَـدِرْ مـا تنِبِّـه
صح لساااانك يالصيفي لاهنت |
صـــــــــح لساااانكــ اااخوووي ...
ويعطيكـــ ااالعاافيه ولاهنت ... كل االتحااايااا |
اقتباس:
صح بدنك يا حسين المعمري مرورك أسعدني عافاك الله |
اقتباس:
سلمت يا جريح الفرقا وجهك ابيض شكرا على تشريفك لا هنت |
الله الله الله
ياسلام صوره وقصيده معبره حبك شاعرمتمكن لله درك وبيض الله وجهك وصح لسانك الأخ الصييفي تقبل اجمل التحايا ودمت بخير |
صح لسانك ياصيفي
|
الساعة الآن 08:17 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
