السلام عليكم ورحمة الله وبركاته
هذه القصيده بمناسبة زيارتنا وادي طاشا في ديار الاحامده

ارتحلت من البقايا وجيـت كلـي للوميـض =بين ربعي وعزوتـي اولاد عمـي فالنسـب
اجتمعنا وخل حاسدنا عسـاه يمـوت غيـض=من فضيل ومن صميد ومن صخراصل العرب
السعيد اللي حضرنا ذاك قالو لـه حضيـض=ومن تأخر في حضوره نعذره لو هـو طلـب
قلتها واقوالهـا بالخـط وباالبنـط العريـض=كل واجب عند ربعي احضره لو هو غصـب
الله ياوادي جمعنـا يمتلـي حـب ويفيـض=في محل ابن حمـادي لاعجايـب ولاعجـب
المعاني شي حبك وشي سبك وشـي نقيـض=وانا من طيب المضيف جبتها مثـل الذهـب
الوجيـه المذهبـه راياتهـا للنـاس بيـض=من فعول اسلفهـا تنقـى المكاسـب لوتهـب
ماتغير سلمهم فـا البـرد ولا تحـت قيـض=نارهم للضيف تصلا تسمع اصوات الحطـب
الله يامطيب قراهم والخضاضـه والمخيـض=والقدوع اللي مع الدله مـن انـواع الرطـب
من خبر عله في نفسه او يعرف انه مريـض=يلقى في طاشا ملاذه ويلقى فيهـا كـل طـب

المشاركة الأصلية كتبت بواسطة سلافة الحب (المشاركة 395950) ايها الراقي صح لسانك وسلم قلبك وجمعكم الرحمن على الخير والطيب دمت بوافر التقدير