|
(((( يا بن اادم الله من فعولك ينجيك.......))))
السلام عليكم ورحمه الله وبركاااته :::
اقدم لكم هذه القصيده وهي من الارشيف علها تنال قبولكم واستحساااانكم .... ( يابـــــــــــــن ادم)
مابين شيطانٍ عن الخير يعميـــــــــك = ونفس تقودك للمهالك قيـــــــــــــــاده يابن ادم الله من فعولك ينجــــيـــــــك = من فتنه الدنيا ودين وســـــــــــــداده ان طعت نفسك كل وادي توديــــــك = وان طعت شيطانك يزيدك بــــــــــــلاده ياكثر ما نفسك تريد وتحاكـــــــــــيك = لكن تفطن للامــــــــــــــور بركــــــاده جرتك لهفتها على شي يغويـــــــــــك = لين(ن) تغذيها وتفنى السعــــــــــاده هل شفت ربي راضيٍ عن مبادــــيك = او شفت عفوه مشجعٍ للــــــــــزياده ليه انت حاط الرحمه حجه لمعاصيك = كنك ضمنت الموت وعارف ميعاده لا ماحمدته يوم بالصحه كاسيــــــــك = ويوم نزعها قمت تغلي العبــــــــــاده ولا ماشكرته يوم بالمال مغنـــــــــيك = جحدت فضله وزاد ضلمك عنــــاده لين انتكست وصارت الخبزه تكفـــيك = شكرت واسرافك تبـــدل زهــــــــاده الصدق في حمده وشكره ينجــــــــيك = قبل البلا وي تعطي عقلك رشــــاده كثر الفجـــــور من الرفاقه يحيــــــيك = والكل ماوده امور العبــــــــــــــــاده لكن تنقى من هو بالنفس يرضــــيك = وعلمه ويش هي معاني السعـــــــاده في داخلك شرٍ وخير احتــــــــوى فيك = الا نضرت الشر ما اعضم ســـــواده كله غموض مايفيدك ويشفيـــــــــك = والكل يتبع مبهمه من القـــــــــــراده ثم يلتبس طبعك ولا عاد يمديـــــــك = تنزعه لو جمّعت جيش وعتــــــاده والا نضرت الخير لليسر يهديـــــك = كله يقين وحسن واكبر افــــــــــــاده لا ماخبرته في غموضٍ يعنيــــــــك = وان كان به امرين لله مــــــــــــداده كله رضى وله ابتسامه تخاويـــــــك = وان شافها الغافل دعى بـــــالاراده عاقب ضميرك جعل ربي يعافيــــك = واحمده حمداً كثر خيره وزيــــــاده اذيه قبل انه يتمكن ويذّيـــــــــــــك = شيطانك اللي كل اموره نكــــــــاده وسلامتكم مع تحيات /// عمــــــــــــاد القرافي الحازمي الحربي |
اخوي عماد قدبمك جديد صح السانك وبيض الله وجهك قصيده جزله زمعناها سامي
لاهنت بارك الله فيك |
اقتباس:
صح الله بدنك اخوي جريح الفرقا يسعدني ويشرفني مرورك |
صح لسانك قصيده قيمه جدا
بانتظارجديدك00 |
صح لسانك وبيض الله وجهك
دمت بخير |
اااخووي عماااااد
صـــح لسااانكــ .. ويعطيكـ االعاافيه ولاهنت ... تحياااتي |
ان طعت نفسك كـل وادي توديـك
وان طعت شيطانك يزيـدك بـلاده ياكثر ما نفسـك تريـد وتحاكيـك لكـن تفطـن لـلامـور بـركـاده الأخ عماد القرافي بيض الله وجهك نصيحه قيمه ورائعه من رااائع صح الله لسانك تقبل اجمل التحايا ودمت ودام ابداعك |
اقتباس:
صح الله بدنك مشكور مرورك يا الغالي وتعليقك ودمت بخير |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
الاخ القديرالشاعرعمادالقرافي صح السانك وبيض الله وجهك ودام الله عزك تسلم ياالذيب على هذي القصيده الجزله الله يعطيك العافيه تقبل تحياتي وتقديري |
الساعة الآن 12:45 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir