سلام الله سلام(ن) لا سرى يستر عيوب الناس = سلام(ن) لا استما باسمي سمابه واستما سامي
ابالي شاعر(ن) وقت المساري مايجيه انعاس= يجيب الوافيه والناقصه ما عاد تنسامي

هلا يامحربا ترحيبة مثل الذهب والماس = عدد من حج بيت الله ومن صلى ومن صامي
توكلنا على الله واضرب الغبه بدون قياس = لكن خلك بجنبي لاوراي ولا انت قدامي

لعلك للبقاء ياشاعر(ن) حظر ويبغى الكاس = لو ان الكاس دونه عرقله واكتاف وازحامي
عسى الله يرحم الميت ويبدل ملبسه بلباس = ويحمنا ويحماكم من الآهات واسقامي

المشاركة الأصلية كتبت بواسطة نادر الحربي (المشاركة 393865) يارفيع المقام انته شاعر ومشكتك بعض التصريحات والعنصريه خلك رفيع مقام

نطول الكاس ونعدي بعد في عالي النبراس = ولا به عرقله مادام فيه اعراف واحكامي
لكن المشكله باعلان مصرف سيت للافلاس = بعد ما ماتت الامال مع تحقيق الاحلامي

الا ياللي تخط الخط عدل خطك المنحاس = تقول السالفه والسالفه بشماغ بسامي
ترى كل المشاكل بالجهل لو الجهل ينداس= تصافت كل خلق الله بعد مامات صدامي

المشاركة الأصلية كتبت بواسطة الصييفي (المشاركة 393872) الشعار-- رفيع المقام: صح لسانك بدايه قويه تدل على ان أمامنا محاورة جادّة و معنى اسماعيل: صح لسانك على الرّد الجميل و النديَّة الواضحة بيض الله وجيهكم