المنقره =
ياحرب هيا قوموا صفين = لجل القصير ناخذ اخباره
ما عاد به وحده ولا ثنتين = طاح الحجر في وسط كساره
القصيري=
يابغضنا للي على الوجهين=والجار ما يخطي على جاره
حاضر بحاضر مانداين دين =واعرف يمين الدرب و يساره
المنقره=
ترى الخطا يبي يجي هالحين =ماني بعارف عمدة الحاره
ان حولت مابين خشم وعين = الطيب اللي يحفظ اسراره
القصيري=
عطني علومك ياغراب البين = يالميت اللي حضر قباره
والله لو تقطع بابو حدين = نبا نزر الثوب بزراره
المنقره=
ياحليلها حب حب على السكين =ومدوره والارض دواره
انته تراك اخطيت يامسكين =يازيارتي ياحسبت زياره
القصيري=
عيد اليهود السبت اقين اقين = كسبك زهاب الضيف وحماره
تزرق كما الزاروق يازرق عين= من حج مكه يرمي جماره
المنقره=
اعلمك في كسبنا بعدين =لا والله الا طاحت الشاره
دلون به الماء ودلو تطلع طين = اثر الليال السود غداره
القصيري=
اعرف علومك ياجرب الجنبين = المنقره ترى الردى شعاره
حنا نعرف الوعل ابو قرنين = رايح يزور الموت مازاره
المنقره =
اثر الردى لو طال غير يبين = لكن مابه ناس ستاره
القصيري=
اعظاه مكسوره على كسرين = والهيم دايم يحفر اباره