لعل السحاب اللي نشى غرب وانحدر=على نجد يانواف تركد مخايله
ويضلم سماه وينطلق منّه الثعل=ويسكرهواه ويبجد القاع وابله
تلج الطيور بصوتها عند نزلته=مطرخير لابرد ولاهي بقايله
يرش النفود وينغسل مثمرالشجر=ويجعل عبيرة نسمة الجوهايله
حقاق يدق الارض من قو خابطه=يهزالنخل تلقى العراجين مايله
ركد وابله لين ارتوى طامن الوطا=عليها ارتكى كل الاداعيب سايله
سقا وادي الصمان مع وادي الرمه=لوادي حنيفه وصل سيله نثايله
ثلاثين يوم وليل يانجد ديرتي= ومن لايحبك جعل ماني بقايله
ثرى نجد عن غيره مثل صافي الذهب=وطاها هواها ماندوربدايله
وغلامملكتنا من بحرجده الحمر=الى ساحل الدمام هلت هلايله
من الجوف لهضاب الجنوب ومناطقه=رحمك الولي ياشبل هذي فعايله
فعايل رع العوجا على صهوة الفرس=آباقول لي قولا وثبّت دلايله
حكمها بشرع الله والأمن سادها= بعدخوفهم كل رقد مع عوايله
نصر دعوة الوهاب غصب عن الذي=على عزة الاسلام يخفي غلايله
شجاع على صيته تعلت مناصبه=على صفحة التاريخ طابت شمايله
بلادي بلادي دونها يرخص الغلا=ملخص كلامي دون مزحه صمايله
احب القنص باهضابها واعشق السهل=برفقة ارجال همهم كل طايله
واحب القلوب الوافيه واحفظ الوفا=وراع الجميل اموت مانسى جمايله
واحب الشعروالشعرمن عادة العرب=وراع الطيب والله يعجبني مثايله
وقلبي خضرينساق من نسمة الهواء=لياشاف مزيون ينسف جدايله
شريف الطبايع جعلني مقرب الردى=اموت بعزاز ولااختفي سد عايله
=عيسى العوفي

المشاركة الأصلية كتبت بواسطة الحميدي المخلفي (المشاركة 391762) عيسى العوفي صح لسانك وبيض الله وجهك قصيدة من أروع ماقرأت بقافية جميلة جدا كل بيت أجمل من الآخر لك كل الشكر والتقدير والإعجاب بهذه الدرر التي لا يمكن أن يطوعها إلا عيسى العوفي وكل عاااام وأنت بخير .

الاخ والمشرف الرائع/الحميدي المخلفي

اشكرك على مرورك المشرف وعلى اطراءك الجمييييييييييل

شهااااااااااااادة منك اعتز وافتخربها

لك تحياااااااااااااااتي

المشاركة الأصلية كتبت بواسطة الصييفي (المشاركة 391789) عيسى العوفي صح لسانك وسلم بنانك و تقبل الله دعاءك وسلم الله بلادنا من شمالها لجنوبها و من غربها لشرقها من كل شر تقبل تحياتي و مروري

المشاركة الأصلية كتبت بواسطة سعدالفريدي (المشاركة 392020) عيسى العوفي تقبل الله دعأؤك وشكرا لك على هالابيات الرائعه وكل عام وانتم بخير