امــــر تـــــــدلل
الاخوة والاخوات الكرام
السلام عليكم ورحمت الله وبركاته وكل عام وانتم بخير وهذه قصيده من الاعماق واتمنى وصولها للاعماق وان تنال على رضاكم واستحسانكم ,,,,,,,,,
أمر تدلل ياهوى البال لبيك=واللي فقلبك لايرده لسانك تأمر على روحٍ من الشوق تأتيك=روحٍ تدور ياوليفي حنانك عطني وش فقلبك وانا لازم اعطيك=ومابخاطرك اشر عليه فبنانك يجيك ماتبغى على كف يديك=واللي تريده راح اجيبه عشانك واشوف فرحة خاطرك يوم احاكيك=والضحكه الحلوه ونظرة اعيانك ومن قلب تحكي يسمعك قلب مغليك=قلبٍ عشق زولك ولايوم خانك اللي رفض كل المزايين شاريك=وده طوال العمر يبقى وزانك يافايقٍ بالزين مااحدٍ يحاليك=لاشك بارز فالحلا في زمانك الله يجملني معك دوم اهنيك=واصير انا اقربلك من اغلى إخوانك وتراي احبك يامنى الروح واغليك=وإن كان تبغى الروح خذها ضمانك ودايم تدلل ياهوى البال لبيك=واللي فقلبك لايرده لسانك وســــــــلامتــــــــــــــكــــــــم |
احسنت وابدعت علا من يستاهل
|
دره ياراعي الدرر ماشاء الله تبارك الله
شاعر وقصيده كما عهدنا فوق الشهاده لا عدمناك |
صح لسانك وسلم بنانك
يعطيك العافيه على القصيده الجزله والرائعه |
لله درك يا فارس
صح الله لسااانك يا الغالي لا هنت تقبل مروري وسجل اعجااابي ودمت بخير |
صح لسانك ملايين
جزل كالعاده يا فارس . |
الأخ فارس الطريسي
بيض الله وجهك وصح لسانك ابدااع رغم انها خصوصيه اكثر واتمنى التوفيق والله يديم المحبه والغلا ودمت ودام ابداعك تقبل تحياتي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
وعليكم السلام ورحمة وبركاتة كل عام انت بخير مشاء الله تبارك الله صح لسانك |
صح السانك وعتلاشانك قصيده جميله
سجل اعجابي وتقديري هذاودمت بخير |
الساعة الآن 09:20 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir