مادمت حاضر و متواجد=في صفحة القيل و الكسرات
سلام لو تحسبه زايد=ضعف الكواكب مع النجمات

موجود والمجتمع شاهد = رادار عندي وكشافات
ترحيب من رايد لرايد = أحلى من الشهد في كاسات

كان السلامات ياقايد=والان نبغى لنا جولات
عسى البقا جيتك معايد=وبعد المعايد لنا شكوات

تعيش كل عام وتعايد = مادمت ماشي على العادات
وآنا معك زند والساعد = اذا بدت لي العلوم وجات

من وين أبدى لك الوارد=هل من فؤادي مع الحسرات
والا أشتكي لك من الحاسد=اللي مسبب لنا الآهات

آنا على منصبي قاعد = افصل المسألة لاجات
وما تخاف حاسد ولا فاسد = اذا تحصنت بالأيات

مادام قلبك قوي جامد=عليك بشكي آسى الحرقات
آنا بلآيا من الحاقد=كل ماتركه زاد فى الطعنات

آنا في واجبك ما باعد= حتى المشاكل تسير أشتات
واقول لك أهل الحقد واجد = ابعدعنه واحذر الغدرات

المشكله عنه امباعد=على امل يترك الزلات
كيف البصيره مع الجاحد=اللي تمادى على السادات

أللي لنفسه ماهو ناقد = وش عاد لك فيه من حاجات
هذاك مغرور ومعاند = عليه لا تكثر النظرات