بلغ سلامي يابو بدر النواحل=وعذري وتقديري لهم واحترامي
ربع بوصف امجادها الشعر باحل=واليابحل في وصفها مايلامي
بحر من الامجاد ماله سواحل=من الجنوب اليالشمال مترامي
تاريخهم ماهو من الطيب قاحل=متوجينه بالفعول الجسامي
تاريخ ابيض في جميع المراحل=يعْني قبل وبعد حكم الامامي
الحي منهم وارثه مجد راحل=يزهاهم اسمٍ من كبار الاسامي
مفنين شذرات الخوص والمساحل=هذي بذاك تسن والذبح حامي
رجالهم يبقى من الجوع ناحل=ويكرم بماله للرجال الكرامي
بكل ماتعنيه كلمة فطاحل=فطاحل فيهم صحيحٍ كلامي
في حال مثل انتاج شقر المناحل=وبحال حلتيتٍ على الكبد زامي
يوم السنين اللي قشرها متفاحل=يردون حوض الموت ورد الضوامي
في يوم اسود من ذرور المكاحل= على ظهور مطيرات العسامي
واختامها مني بقاف على آحل=اعداد من لبى وصلى وصامي
لاحمد تحياتي وكل النواحل= وعذري وتقديري وجل احترامي

صح لسان الشاعر العلم لافي الغيداني

ويستاهلون النواحل كل خير