ملتقى قبيلة حرب الرسمي - مستحيل ارحل عنهم

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - مستحيل ارحل عنهم (http://www.m-harb.net/vb/showthread.php?t=33072)

مستحيل ارحل عنهم

السلام عليكم ورحمة الله وبركاته
وهذه القصيده تعبر عن حالها

مني براحل عـن ديـاري ولايـوم=ولانـي بتـارك دار فيهـا قرايـب
دارً سكن به شايبـي دايـم الـدوم=دارً بهـا يانـاس أغلـى الحبايـب
دارً تضم عيال عمـي مـع القـوم=قومٍ إليـا ثـارت تفـك النشايـب
ربعي ترى عزي إلا صرت مهمـوم=وربعي ترى ذخري بوقت الطلايـب
هم محزمي لاصار في وقتي صـدوم=وهم مسندي لاطحت وسط المصايب
صغيرهم لاشـك صاطـي وزيـزوم=وكبيرهم بالطيـب يعطـي عجايـب
وكسب المعالي لو تحت ضلع ورجوم=ولو دونها يانـاس كـل الصعايـب
نجيبها والامـر واضـح ومحسـوم=وسلاحنـا بالمرجلـه دوم صايـب
وعن الرديـه كلنـا دايـم نشـوم=تشهد لنا العربان وكـل الصحايـب
ورفيقنا لاشـك معـزز ومحشـوم=وعدونـا نسقيـه نـار اللهايــب
عز الله ان ربعي مطانيـخ وقـروم=في دمهم يسري من الطيب شايـب
وانا اشهد إن اللي بلا ربع محـروم=مثل الذي ساكن بوسـط الخرايـب

وعليكم السلام ورحمة الله وبركاته

يالله حيه صح لسانك أخوي فارس .

أنا أشهد إنك وافي .

الله يعطيك العافيه

وصح لسانك


	الشاعر القدير: فارس الطريسي بيض الله وجهك على هذه القصيدة الجزلة والجميلة من جميع النواحي تقبل وافر التحايا والطفها