][ ظروف ][
السلام عليكم ورحمة الله وبركاته صباحكم ورد وياسمين وكادي قصيدة جديدة اتمنى ان ترتقي لذائقتكم اقول
سألتها وش غيبك قالت ظروف = وعيونها قالت ترا السر خافي = قلت اصدقي واعملي في معروف = العذر هذا عذر ماهو بكافي = إنتِ تغيرتي بعيني وأنا اشوف = بيني وبينك صار فيه اختلافي = انتِ بدا حبي يسبب لك الخوف = وأنا برغم الخوف مازلت وافي = الحب لو دربه بالاخطار محفوف = راعيه يمشي له على الشوك حافي = والحب ماهو زخرفة هرج واحروف = احساس ماتلحق مداه القوافي = فيه الفرح والحزن والشوق مالوف = ان كان نابع من نهر قلب صافي = يعني خلاص اروح وانساك يا نوف = في جرح مايبرا ولا له مشافي = ولا استمر بحبل الامال مكتوف = وارجي رجوعك عقب طول التجافي = واقول شمس وحال من دونها كسوف = ولابد مايشرق ضيا نور طافي = وارجع اقول ظروف قلتي لي ظروف = اشكي ترا مابيننا سر خافي = وسلامتكم |
والحب ماهو زخرفة هرج واحروف
احساس ماتلحق مداه القوافي صح لساااااااااانك جمييييييييييييييل جدااااااااااا اخوك العوفي |
صح بدنك يا عيسى
شاكر ومقدر مرورك الكريم |
اقتباس:
قصيدة جميلة صح لسانك وسلم بنانك تقديري |
صح لسانك
.. .. أسجل اعجابي بالقصيدة .. ويعطيك العافيه .. |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة |
عبدالملك
صح السانك ابيات جميله معبره سلمت وسلم فكرك تحيتي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
صح الله لسانك
ولاهنت |
الساعة الآن 08:51 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir