ياللي قطعت الاتصال بصاحبك منذو سنـه=ويش السبب يالصاحب الغالي بقطع الاتصال
انكان مخطي صاحبك او شفت لك هفوه منه=ياما من الزللات والمعصوم واحد فالرجال
اشره على الطيب ولو ماهمني مانشد عنه=اشره عليه وهو اقدر شرهته في كل حـال
ولا استمع به ماتلوكه فيه بعض الالسنـه=حيثه قمر يبقاء قمر لو بعض دوراته هلال
مير الدهر يزين يوم ويوم ماحـدٍ يضمنـه=وبنادم النادم مابيـن المايلـه والاعتـدال

ياللـي تشـره شرهتـك مقـدره ومثمنـه= واسواق بقعاء من تجولنا بها شفنا الهـوال
ياتاج راسي مرحبا اقلـط واعشيـك بدنـه=ليا بانت الشمس القمر ماله عن الغيبه مجال
والادمي من فطرته مابيـن سيـه وحسنـه=ياشامخٍ نلوذ بـه لهـب نسنـاس الشمـال
ارفق تراء كبدي تفور مـن اللهد ومدخنـه=وادخل على الله والرشا لايستوي فوق المحال
واللي له لسانٍ يلوك انسه عسى الله يلعنـه=والذيب ماشـال الزمـل لله ول الله الكمـال

على مضحي الجمران نلقي تحية ود=نـوده ووده ودي انــه يلفيـهـا
سجايا خواله سابقتها سجايا الجـد=وانا ودي اكحلها واخاف اني اعميها
ورد عده الماضي وانا واردٍ لي عد=نفوسٍ نوردها عساء الله يشفيهـا
بحوره لها جزرٍ وانا في بحوري مد=على جزره ومدي تعود المباديهـا

هلا مرحبا ياشاعر النظم هو والـرد=ولاهنـت يـاراع التحيـه ومهديهـا
مع الذبذبه ماوقفتهـا مراكـز حـد=رصاصة صويبٍ صوب الاهداف قاديها
انا اقول مامثلك ولاكن بـلاك الصـد=لامنك بقيت الطيبه مانـت مخطيهـا
لاهاج البحر لو كان قدمه عقوم وسد=مياهه تشيل اللـي توطـن بواديهـا

اعرف الغشمري رجلٍ طليق حجاج ويهلي=رجال المرجله شرواك ماني غاويٍ فيهـا
انا لاجيت سوق المتجر اعرف ربعٍ لـي=عرضت تجارتي والمتجر شرواك تشريها
تراء لولا الخطا اللي ارتكبه الحاج متولي=لاكان الحاج متولي تريح فـي تواليهـا
عرفنا مكمن العله ويدنـا مابهـا حلـي=على ماقيل ماكل العلل نلقـاء مداويهـا

ابن جمران لو ممشاه سيده=لزوم يلف ويـدور بقصيـده
مريد وله شياطيينن مريـده=على يسراه تصفق بالايادي
يهيم بساحل الخفجي لحالـه=وابو مره يلقـم لـه دلالـه
يزود الشيب وتزود الجهاله=ولو انه غدا ماقلت غـادي
لحق متوالي بـدار الكنانـه=ركب زروال واطلق له عنانه
قرينه والاريكه في لسانـه=يهيم بساع من وادي لوادي

ابن جمران ياربـي تعينـه=لااجل يفزع لواحد يستعينـه
ولا ترضيه ياغير السمينـه=ابا اذبح له ليا خربت جوادي
يذكر فالحساء ماهو حساوي=كفانا الله من شر البـلاوي
يزين الوقت ونرد الجـلاوي=وهذا الصح والعلم الوكـادي
نبا نغريه في رفقه سعيـده=ليا جاء منك يالدار البعيـده
ولاهي تصفق الكف الوحيده=نتمـه لاتلاقـن الايــادي

المشاركة الأصلية كتبت بواسطة ماهر ابو خالد (المشاركة 375762) سلطان الشعر صح لسانك مليون وصح لسان الشاعر عبدالله بن وعد الحربي كلام جزل ورائع من مبدعين ادام الله عليكم هذه الروح الجميله التي تدل على محبتكم وطيبكم لبعض شهادتي فيك مجروحه يا سلطان الشعر وتشرفت بحضوري في متصفحك والنظر والاستمتاع بما سطرته وتحياتي وتقديري الى رفيق ابداعك الشاعر عبدالله بن وعد الحربي دمت بالف خير وصحة يالغالي

المشاركة الأصلية كتبت بواسطة حسين مريع العبيدي (المشاركة 429812) صح لسانك ولسان الشاعر عبدالله مراسلات رجال فيها عتاب اخوي وفيها رد مقنع كلا م شعرا ء عقال