صح انتهينا لكن الحب باقي =ذكرى جميله باقيه في السجلات
سجلها قلبي وفكري وعناقي=تبقى معي في دنيتي كل الأوقات
هي لزمت بالحيل تبغى الفراقي=نسيت هوانا كيف عشنها دورات
ماخنتها واحلف واطلق طلاقي=مثلي يموت ولايعرف الاشاعات
واشي عزف لحن الاسى بعد ضاقي=وارخت له الاذنين في بعض حزات
قالت محمد شوف غيري تلاقي=الله خلق فالكون غيري جميلات
قلت الكلام اللي تقولين راقي=مير انتي عشق الروح والقلب بالذات
حلو الشراب انتي وحلو المذاقي=لا والله الا اصوم واصبر ولا اقتات
العشق دوله شرعها مايطاقي =يلزمك تذرف دمع وتقول اهات
ينعاف بعدك كل خوذ وتلاقي=وينعاف ضحكي وبسمتي والملذات
أصيح واستنجد صياح السواقي=والدمع حرق وجنتي والمسامات
العشق الأول دايم الدوم ناقي=ولا فاتك الأول تعيش الاهانات
عندي أمل في الله رب الطباقي=يجبر مصابي وكسرتي والمعانات

المشاركة الأصلية كتبت بواسطة عادل المخلفي (المشاركة 375768) صح لسانك وتقبّل مروري

المشاركة الأصلية كتبت بواسطة حميدان العوفي (المشاركة 375769) بقايا وميض قصيدة جـــزلة ... و انت صاحب المعاني الجزلة صح لسانك و بانتظار جديدكـ

المشاركة الأصلية كتبت بواسطة ابو عادل (المشاركة 375836) بقايا وميض صح لسانك قصيده جزله من شاعر راقي الفكر تقبل مروري ولك كل التقدير