أبومديده=
أنا تأثرت بالطالِع=اللي وصف موجز الحاله
سلام من طرفي الدامِع=مُرسل للأصحاب في رساله
العمودي=
ماقفك دايم معي رائِع=وتبرهِن القول بالقاله
ترحيب مايمنعُه مانِع=عن كاسب الطيب والطاله
أبومديده=
دايم رحاب العرب واسِع=مايرصدُه شيك وحواله
حيآ معك فازع وجازِع=وحيآ على المجتمع عاله
العمودي=
الفرق بين البشر واقِع=منهم رجاجيل وحثاله
ومادام فيهم عضو نافِع=ماأظن الأوضاع بطّاله
أبومديده=
ردك على المشتكى قاطِع=مردود عسر وخيّاله
لكن سبل الوفا ضايع=بالحيل بيدين محتاله
العمودي=
ماني عن الحُكم متراجِع=والزاد بُه بُر ونخاله
واللي في درب الوفا باتِع=الطيب ياخذ مِنُه باله