=ماهر ابو خالد
يالاحمدي هل يالوافي=ابغى معك ابني القيفان
فالمشتكى سرنا خافي=لعل تظهر لنا وتبـان
=ابو تركي
اليوم نور ،، القمر صافي=مابه زياده ولانقصان
ترحيب ،، يجتاح الاوصافي=يبني القوافي على الطوفان
=ماهر ابو خالد
وسط البحر كنت متعافي = ياخوك كني انا القبطان
فجأه وانا اقول ياكافي =القيت نفسي على الشطان
=ابو تركي
وش يفرق الماء عن السافي=لاصار من حولها بركان
وبرد المحيطات لي دافي=واسطولنا مركب الحرمان
=ماهر ابو خالد
وش عاد تبقى معي جافي = وتخيـــــــر الذيب فالميدان
متردني للبحـــــــــر حافي =في اسطول ماضيعه رهبان
=ابو تركي
ياشاعر القيل والقافي=ياذيب توصف به العربان
ما ينفع القيل واشرافي=لاصرت فالمسائله غلطان
كم كسر الموج مجدافي =مركب غرامي من النسيان
وكم سطر المجد لسلافي=فقلوب عاشت على الكتمان

=محمد الردادي
ياصحابنا شهرنا هلي = جينا نبارك لكم بالصوم
عساه دايم لنا يطلي =ويعود بالخير دايم دوم
=ابو تركي
ترحيب دايم لك يظلي = ما قط تغير علينا يوم
يالواحد اللي لك نصلي = تحفظ لنا عزيز القوم
=محمد الردادي
مشكور ياللي بنا يهلي =ومحشوم ياصاحبي محشوم
المنتدى دوم متعلي =مادام شرواك فيه يحوم
=ابو تركي
من داخل القلب ،، ما زلي = قدرك فوسط الحشاء مختوم
والمنتدى ،، احساس يجلبلي= درب السعادة فلــــقاك يقوم
=محمد الردادي
كل الصعيبات تنحلي =مني وانا اصدره مرسوم
مادمت حضرتك تنزلي =اكيد نهزم جيوش الروم
=ابو تركي
اقول ولاحدٍ ابد قلي = وهذا يميني معك مقسوم
وهذا الشرف مير يحصلي= دامي معك في بحور نعوم
=محمد الردادي
شامخ كما الضلع والتلي =هذا طبيعي وشي محسوم
مثلك وشرواك فخر(ن)لي=عسى عدوك منك محروم
=ابو تركي
اروح ويرجع معي ظلي = دايم ملازم ولك ملزوم
ثمان الليالي تصفر لي = اصفار في منتدى معلوم
=محمد الردادي
جربت ورجوك بدلي =حاول تبدل لنا برقوم
الوقت ماهو بحاصلي =والصفر ماهو ترى مهضوم
=ابو تركي
فوق الربى فوق متعلي = قمره وترعى معاها نجوم
حاول وعيد النظر فاللي = الان تو الامر محتوم
=محمد الردادي
حاولة والله يغفرلي =ويغفرلكم ذنبكم ونصوم
وانا انتظر منكم الحلي =ولا تلومني وانت لي لاتلوم
=ابوتركي
هيا استمع واكتبه حلي = واطلب ومثلك ترى مخدوم
يامحمد القلب ما ملي = والعين عيت تذوق النوم
=محمد الردادي
خابرك مشرف ومتولي =وحاولة اجيكم وانا محروم
ومثل اللذي فاقد البلي=وانا الروابي لها مغروم
=ابوتركي
فالقلب احساس وصلي = مقدارك اللي معي مضموم
في جو جزئي على كلي = بينت ما فالحشا مكتوم

=بـــــن قـــابـــل
البعـد نـدري بنـار البعـد=الوصل .. يعقل فدربه نـار؟
كنت احسب ان المواصل سعد=لقيت كـل الـدروب اخطـار
=ابـــوتــــركــــي
لحظة تأمل ،، ونظـرة بعـد=غريب وصلك وفيـه اسـرار
هـذي قويـه ولا تنـصـد=سجلت فيهـا كثيـر افكـار
=بـــــن قـــابـــل
ارسلـت قولـي وجانـي رد=مافيـه موجـز ولا اخبـار
لـلأن مافدتـنـي يـاعـد=هات الافـاده علـى ماسـار
=ابـــــو تــركـــي
حسب انتظاري لنار الوعـد=الوصل يطفـي لونـه حـار
اساس طعـم السعـاده بعـد=مايعم وصله معـي فالـدار

ابـــوتــــركــــي =
احساس قلبي ،، لكم واصـف=جو الطبيعه ،، وشعور الناس
معذور قلبي !! وانـا آسـف=لاصـار يلعبـه الهوجـاس
ابـــــن الــوطـــن =
جرحت قلبـي وانـا شايـف=المنظر اللـي فيـه الكـاس
والجـو خـلاّب كالطـايـف=يطرد همومـك والوسـواس
ابـــــو تــركـــي =
يطرد همومي وانـا خايـف=لايكون خالي من الاحسـاس
قلبي بعـزه ،، عـلا نايـف=عالي شموخه بـدون قيـاس
إبـــــن الــوطـــن =
فهم المعانـي لهـا عـارف=واعـد نفسـي لهـا فـرّاس
لاتتبـع النفـس للعـايـف=مثلك صقـر للمثـل نبـراس
ابـــــو تــركـــي =
بعض الخفايا تبـي كاشـف=يُظْهر مشاعر ،، طواها الياس
وش حيلة اللي لها صـارف=معدن وغالي مـن الالمـاس
إبن الوطن=
إن كان قلبك لهم والف = ومحصولك الصد والإفلاس
داري على الوضع ولا تجازف= مادام بنيك ضعيف الساس

=ابو تركي
قولوا لنا ياعرب مكه = متى تجونا فديرتكم
من اجل نأخذ لنا صكه=تذكار تبقى لسيرتكم
=بن قابل
من قبل لانقضب السكة=ان شاء ربي نواعدكم
والثانية مابها شكة=نفتح سجله ونطربكم
=ابو تركي
كل ما نظرنا من الدكه=فراس العناقين صورتكم
يامعلمي وعدنا ذكه=وخله يتهنى فنظرتكم
=بن فابل
طولتها وهي منصكـه=وآنا وحرفـي نقدركـم
جيه ومـا منهـا فكـه=اذا اتفقـنـا نعلمـكـم

=ابو حمود
يا راعي الذوق والإحســـاس =يا صافي القلب والنيه
أصدقك في خاطري هوجاس= لاعــل عنــــدك دوا ليه
=ابو تركي
الجو !! سيطر عليه الكاس=للدولي صارت محليه
عطني وسجل ،، على الكراس=شرح لهواجيس دوليه
=ابو حمود
ماهمنا لعبــة الحـــراس= كم عام كــــانت هلاليه
انا أشوف انحـــلال الناس=مدعوم من ناس مخفيه
=ابو تركي
مادامنا رافعين الراس=نمشي مع العز ليليه
واللي اتبع خطوة الخناس=تنتج له امراض نفسيه
=ابو حمود
هلـــــت على ديارنا اجنــاس = وأفكــار جتـنا مسيحــيه
كيف نتصدى لها بالسـاس = من قبــل لتكون رسمـيه
=ابو تركي
من كان في ديرته غراس=يلقى الصفى والصفاويه
يرسم هواها على النسناس=فخيام وبيوت شعبيه
=ابو حمود
خصومي ماصد عنـّّها ونداس = مــادام روحي معي حـــيه
ماني منلـــي لمنــه حـــــــاس =يصافــق بهـــذي على ذيه
=ابو تركي
الفكر كل ماطواه الياس=تلعب به ،، امواج بحريه
والمجد كل ما طواه افلاس=ينباع باوراق ماليه
لابانت اللي من الانفاس=وصارت على الكون مرئيه
لوحة تحكم عليها قاس=قايد لقوات حربيه
عن الذهب ،، فرّق الالماس= لاصار ضربك بشبريه
ولاجف دمه على القرطاس=مكتوب ميه على ميه
=وياصحابنا