سلام رديه نقدمها على ساير جهينه=الساير اللي من قديم الوقت وأهلُه محتمينه
يالرِبعه اللي مدكُم كُل القبايل عارفينه=يشهد لكُم مِنه شِهد والله خير الشاهدين
والثانيه حسب الصداقه كُلنا جينا نوافي=ونشارك الأصحاب يوم أفراحُهم من بال صافي
وأبوبدر وافي ويحضُر في وجوبُه كل وافي =وحسب الوفا اللي بيننا حَّنا بجنبه واقفين

يامرحبا باللي لفونا بالوجوب مكملينُه=والساير اللي بيننا في كُل حزه حاسبينه
مد الوفا ياهل الوفا عاداتكم متوارثينه=وإنتم وحِّنا نهجنا نهج الجدود الأولين
جيتم على حسب الوفا والثوب ياهل العِز ضافي=وميقافكم وقت اللوازم للعرب ماهو بخافي
إنتم هل التكميل والميقاف للطيِّب يشافي=ميقافكُم يشهد لكم طول الليالي والسنين

جينا ببندُق صوتها مثل الرعود=وتخلي الحري يعقِّب لُه عسام
سلام مالُه حد يتعدى الحدود=كُل العرب توحيه لاقِلنا سلام

يامرحبا وإحنا هِنا عسكر جنود=نِستقبل اللي بالوفا جونا حشام
ميقافكُم معروف من عهد الجدود=متوارثين الطيب يانسل الكرام

أبومديده=
جينا على دعوة الغالي=اللي دعانا لهذا الشان
سلام مثل الجبل عالي=بحضور الأصحاب والأخوان
جباره *** عبدالعزيز=
مِنك الوفا أول وتالي =وترجح بكم كِفة الميزان
طيبآ على طيب متوالي=يامرحبا والملاقا زان
أبومديده=
هيا إستمع طالع أقوالي=من صادق الحِس والوجدان
قدامي المُر والحالي=وأمسيت مابينهُم حيران
جباره *** عبدالعزيز=
لاتقول فالمسأله بالي=مسؤول وإنته صبي لُقمان
إنته على دربك الوالي=الفرق مابينم شتان
أبومديده=
أخاف لايضيع رسمالي=وأسير في ذا الأمر خسران
آياتُهم ينعِش أمالي =مادِمت حايز على النيشان
جباره *** عبدالعزيز=
دققت في وضعك الحالي=حسب الذي فالمعاني بان
من يدخُل السوق مايبالي=لمؤشِر الزود والنُقصان
أبومديده =
أظُن تدري عن إشكالي=وتشاهِد الحال بالأعيان
إما أمل حي يبقالي=وألا نقفِل على الدُكان
جباره *** عبدالعزيز=
جعلتها صعاب وطوالي =بخلاف ماكان في الحسبان
لاتشاغل قلوب وتغالي =وعِندك على وِدها بُرهان