ياهاجسـي فسـر تفاكيـر الاحـلام=يمكن على الاوراق تصبـح حقيقـه
خابرك ترقا في طويـلات الاهـرام=وتغوص في فكرك بحـور ٍ عميقـه
أنـا خـوي ٍ للتفانـي والاوهــام=لاوالله إلا نـوب صايـر شقيـقـه
شف حال سالم كيف قبل أربع اعوام=ذايـق لذيـذ النـوم محـدن يفيقـه
واليوم ساهر يـوم خلـق الله نيـام=وفالقلب شبـت ياهجوسـي حريقـه
كسبتلي رفقان فـي مـاض الايـام=راحوا وخلونـي هـوا فـي دقيقـه
واليوم جونـي كنهـم دفعـة أنعـام=كلن يبا يسقـي مـن المـاي ريقـه
في ذمتي لصمت مثل صمت الاصنام=واصدعنهـم جاهلـيـن الحقيـقـه
اللـي يبـا دربـه للأيـام قــدام=لابـد مايحسـب مسافـة طريـقـه
أثر الخلايق تقسم اصنـاف واقسـام=احدن يشيل الحمـل واحـدن يعيقـه
بعض العرب لو يلبس شماغ بسـام=ويكشـخ بلبـس ٍ جميـل ويليـقـه
يبقى ولو طال الزمن ضمن الاقـزام=ولاعطـره فـل الـورود ورحيقـه
وبعض العرب بنقوله سبعـة أنعـام=وياحـظ منهـو صايرلـه رفيـقـه
اللي ليا شان الزمـن صـار خـدام=خدمـة رياجيـل ٍ وجيـه ٍ طليقـه
لانتـه بضيـوم ٍ ولانتـه بمنضـام=ترقـى الجبـال العاليـه والشهيقـه
هذا الذي لانكسـت قدمـك اعـلام=يرفـع برقهـا ليـن يلمـع بريقـه
أما رفيـق ٍ وقفتـه تفصـل إلحـام=ولانـقـدم وقـفـتـه للرشـيـقـه
اقولها والعمر سبعـة عشـر عـام=تو المشاعر فـي ضميـري رقيقـه
اقولها والـراس خاضـع للاعـدام=اقولهـا والحمـل محـدن يطيـقـه
اقولهـا والشعـر منبـر للاعـلام=يبيـن الصـوره بأفضـل طريـقـه
أمـا حيـاة ٍ ماتميـتـك بـالايـام=ولا مـمـات ولاحـيـاة ٍ مليـقـه