ملتقى قبيلة حرب الرسمي - ( احلى جلسة طرب) على العود

رح جدد الاوتار مع ريشة العود = ووزنها يافواز وزنة شمالي
ناخذلنا ليله كما كان معهود = ليله تعيد امجاد ذيك الليالي
جلسه بها شرواك ماتجيب منقود = ياصاحب ٍ نغليك فوق الخيالي
وانجيب ابوغانم وصاحبه ابو جود=واحمد رجا مخبور راع الكمالي
ولافي ولد حامد إلى صار موجود = ويحضر معه اللي يناديك خالي
وصاحبك ابو خالد به الطيب مشهود=ولاطيع فمساعد كلام ٍ يقالي
مليت يافواز انا هجر وصدود= من صاحب ٍ عامين قاطع وصالي
شخص ٍ هجر عنا ولااضنه يعود=اقفى وخلاني وحيد ٍ لحالي
نبغى الطرب يحلى على ريشة العود=في جلسة ٍ تجمع قروم الرجالي

الشاعر/ خالد بن عبيد بن معتوق الاحمدي