اتخيل لو انا وانت من فوق السحاب=راكبين بساط ريح تحركه الرياح
مبعدين ارواحنافوق عن اهل العتاب=وين ما نبغى نسافر بود وانشراح
ان حضرت اكفيتني كل زادي والشراب=وان تغيب اسهر بطيفك الى وقت الصباح
في سبيل رضاك عني تحديت الصعاب=وبعت كل الناس !! لجلك تلقيت الرماح
قلبي اللي به حياتي وهبته لك طياب=يوم حضك قام فيه وحضي فيك طاح
كنت اشوفك نهر واثرك سراب في سراب=كل مقرب منك تبعد وذا طبع الشحاح
شاب راسي من عذابك وانا توي شباب=وانت دوم بدنيتك مهتني سيد الملاح
ليه لي تجدد الجرح بعد الجرح طاب=وليه تطعن قلب حبك وتسقيه الذحاح
لا تقول كلمة آسف بعد طول الغياب=ولا تقول كنت مخطي وابي منك السماح
وش تفيد آسف لقلب لقى منك العذاب=كيف آسف تبري القلب من كل الجراح
كم طعنه منك فالقلب واثخنت الصواب=وانتهى حبك مع الدم يوم الدم ساح
ول عن دنياي وارحل لعلك للذهاب=ما بقي لك داخل القلب ودولا ارتياح