نتّبع سنتك يانور الهدى= كانها في سلم ولا في قتال
شخصك المعصوم له روحي فدى= قلتها من قلب ماهي من خيال
يشهد اطهر بيت مع ساحة كدا= انك المخلوق في اجمل خصال
ساري ٍ ليلك على ابعد مدى =شلت امانه ماتحملها جبال
شخصك الطاهر تناسوه العدى= قالوا فشخصك كلام ٍ مايقال
صوتهم علوّه ماجاب الصدى = هرجهم ممزوج في كذب وضلال
كل مايخفون للعالم بدى=يعلم الله حقدهم حقد الجمال
افلسوا من حملة ٍ راحت سدى= زيفهم يرفع من اعزوم الرجال
من نسب لك شين يبشر بالردى= لانه ابتر قالها رب الجلال
نطلب الله طلبة ٍ بعلى ندى= حوضك الموعود يروينا زلال