قبل السحر مع سكون الليل=هاجس على خاطري يلفي
أبقى معه في غياهب جيل=وحاضري والـذي مقفـي
ساعة صفا في معاني القيل=ويبان ما فالحشـا مخفـي
دروس فاللي مضى وتمثيل=وفي حاضرك حرر الوصفي
كل مالها والجروح تعيل=آه على آه وا أسفي
ما اقدر أوافيك بالتفصيل=الوصف يعجز عنه حرفي
نفسي إلى حاضري ما تميل=عيا عسامه معي يصفي
تستأنس اللي مضى وتخيل=نديمها طرف ما يغفي
خليت دمعي بخدي يسيل=ياليت قولي لكـم يشفـي
ياطيب الساس والتأصيل=لابد مع حاضرك توفـي
بالأمس طالب شديد الحيل=واليوم من علمكم تضفي
بكبارنا نحسن التحصيـل=والآن دورك نقا وعرفي
ما اقدر على ذا الزمن تعديل=ولاني عن مواكبـه معفـي
أسايره فـي عـدال وميـل=ولواجبي فيـه مـا انفـي
وعن ود عهد مضى ما حيل=شهوده الدمع مـن طرفـي
له شوق من وجد من تبجيل=من ود ما هو على كيفـي
وانت ما قصرت فالتحليـل=لمجمـل القيـل وظروفـي
عليه ردك وصـل تكميـل=يا صاحبـي للمثـل يكفـي

المشاركة الأصلية كتبت بواسطة ابو تـــركي (المشاركة 346929) ابو محسن صحت السنتكم مليون آه عـلـى آه وا أسـفـي آه عـلـى آه وا أسـفـي آه عـلـى آه وا أسـفـي آه عـلـى آه وا أسـفـي وانت ما قصرت فالتحليـل=لمجمـل القيـل وظروفـي عليه ردك وصـل تكميـل=يا صاحبـي للمثـل يكفـي يعطيكم العافية ودمتم بخير

المشاركة الأصلية كتبت بواسطة الشاكر أبو سامي (المشاركة 346968) ابو محسن بيض الله وجيهكم على هذا الابداع الجميل والحوار العذب دمتم سالمين

المشاركة الأصلية كتبت بواسطة جريح الفرقا (المشاركة 346975) فواز صحة السنتكم وبيض الله وجيهكم علي هالابداع المتميز الله يعطيكم العافيه