فواز الزويهري=
سلام ياحرب واسمك رمز=فيه الفخر والوفا السامي
اليوم نكتب معاك الهمـز=فوق الألف فن مرسامي
حرب=
ترحيب فيه الشرف والعـز=باعـداد هبـات الانسامـي
وانته وانا صرّفنا من كنـز=وكل(ن)تحصّل على اوسامي
فواز الزويهري=
عساك تبقـا جديـد البـز=من خامت الطيب.. ياقطامي
روح الفتى للمعالـي تفـز=مير أقبل الوقت بعسامـي
حرب=
لاشك شـرواك مايعجـز=ومن شان تحقيق الاحلامي
ثقتـك فالنفـس لاتهتـز=وحذراك تنكيس الاعلامي
فواز الزويهري=
معلوم دايم وأنا أنجـز=في يمن ولا بعد شامي
مير المبادئ بدت تبتـز=فالجيل وهذا بلا اسقامي
حرب=
هذا الذي فالنفوس ايحز=ومصدر آلآمك وآلامـي
لكن دور الفتـى يبـرز=لاصار للجيل مقدامـي
فواز الزويهري =
ولد الحموله بـ(كاب) وجنز=غير الأساور له أوشامـي
دوره بفعلـه فقلبـي كـز=فالغرب معجب بهم هامـي
حـــــــــــرب =
طيب المبـادي بهـا نعتـز=لكـن بلانـا فالآعـلامـي
عبره علينـا العـدو ركّـز=وقُرب الهدف مكّن الرامـي
فواز الزويهري =
لومي على صاحب المركز=أب و معلـم وحكـامـي
والخبز طيبه من المخبـز=والتربيه فرضها إلزامـي
حرب=
اللي ذكرتوه فالموجز=عليه نبصم بالابهامي
الواجب ادوارهم تبرز=اسره وتعليم وانظامي