|
(( احساس منصور ))
(( احساس منصور )) هز المشاعر هـــزّ يااحســـاس منصـــــور والعب على اوتــــــار الغـــــلا والقطـــاعه كيف المحبه واجمل احســـــاس وشعــــور تمشــي واصــــدّقـــها وتطلــــع صنــاعـــه وكيـــــف انخـــدع واضيّـــع ايـــام وشهور وعندي من جــــروح الليـــــالي منــــــاعه ياصاحبي مشكـــور مشكـــــور مشكـــــور وارخصــت قلــبن مــاعـــــرفت التيــــاعه طيّـــــرتني واليـــــوم بجنــــــاح مكســــور صــــــوّبتني والله مـــآهـــــي شجـــــــاعه مشيـــت لك درب المحـــبـــه عــــلى النور وتعبت فديــــــــار الضمـــــا والمجــــــاعه وبنيــت لك بيــــت المحـــــبّه علـى زهــور قصــرن وسيـــــــع وعالــــــيٍ فـــارتفاعه خلّيـــت رومنسيــــته شـــعــــر وعــــطــور وكتبــته لضمـــيــــــرك وســــرع بـــــاعـه وحلمت بك سلــــوى عن الضيـــم والجـور وجـتـــني جروحـــي منك يــــا للفـــضاعـه اليـــــوم تتمـــلّل ليــــــا جــــاك منصــــــور يســـأل عليـــــك ولاتطيـــــــق استمــــاعه تقفـل بوجهــــي صــــرت وتـلـــف وتــــدور وتبحث عن الاعـــذار فـي كـــل ســــــاعه ليــــن الكـرامه والدمـــا قــــامت تفـــــور واستصغـــرت عيـــني علــــّي الوســـاعه وضاقت بي الجلــسه بعـــدها على الفـور يكفي شحــــــــادة ودّ يكــــفـــي لـــكـــاعه لجلي ولـــــد نــــاس وتكـــــانه ومشهــور وبكـــره بأجــي فالـتــلفــــزه والاذاعــــــه بجلس على كيــــفي معــــــانــــد ومغـرور عادي وفالدنـيـــــــا للأنــسي مــــتــــاعـه و الحمد لله رجــل مـــافيــــــني قصــــــور مغنيـــــــني الله بالــــرضـــــا والقنــــاعه والحمد لله عـــاقــــــل ومنّــي الشـــــــور يفرح به ويطلبـــــه غــــــرب وجمـــــاعه وزودن عليها فــــاهم ومـــخ دكتــــــــور وعندي ثقـــــــه فالنفــس وامـلك بــراعه واصل وفصل مــــاني على الذلّ مجبـــور من حـرب راعيـــــن الوفــــا والشجاعه وش حد دمعـــي يــومــــه يسيـــل مقهور وناسن رخــــوم تعيــش سمعن وطـــاعه لا والله الا استــــــاهـــل الـــــود منثــور وانسـان يآخـــــذ من طبــــاعي طبــــاعه وانتي ســـــراب وكـــآسنا كآن مكســـور وكلّن خــــــذا عن مـــآ لقـــــآه انطبـاعه دستـــــور يــابنت الريــاجيــــل دستــــور مآني بـــداخــــل طـــــالـــع وبي قنـــاعه وبكره ليا اشتقـتي لي وصــرت مــــذكور تأكــــــدي اخــــــــوكي من الرضـــــاعه عسى حيــــاااتك كلـــها افرآح وســرور ودعـتك الله صـــدق ماهــــــي اشــــاعه فاصله: من اغاني عبدالله الرويشد الجميله: على كثر العيون اللي ضحكت لي مآبكت لي عين بكيــــــــت ولا لقيــــــت لدمعتي عيـنن توآسيــــني خطآي اني وفيــــت وماعرفت العب على الحبلين خطـــــآي انّي اذا حبيـــــت احب بكـــل مــــآفيـــني |
|
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة |
صح لسانك كثر حروفها واكثر والله
قصيدة جزلة بالحيل ، وكل قاف احسن من الثاني . تحياتي |
مجافي
يوجد أخطاء كثيره ولن أقول كسور حتى لا تغضب أرجو إعادة النظر فأنت مبدع تحيتي وتقديري لك |
مجافي
ابداااااااااع شاعر متمكن لله درك وبيض الله وجهك وصح لسانك تقبل اجمل التحايا ودمت بخير |
هذا شعر والا هو الدر منثور=أبيات والا عزف عند إستماعه ماادري ولكن ياابيض الوجه مشكور=ياللي لك الإعجاب ماهو صناعه دم بعز وتقبل إجلالي |
مجافي
صح السانك وبيض الله وجهك |
الحب الباقي
صح بدنك وجزاك ربي الف خير |
وحيد الجزيره
صح بدنك ويعطيك ربي الف عافيه |
الساعة الآن 12:33 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
