ياهل العلوم الطيبه و الطايلات = خوذوا النصيحة من نصوح(ن) قالها
منيب اكبركم او اخبر في الحياة= و لاني صغير(ن) جاهل(ن) باهوالها
ترى الزواج و قصته مثل الممات= محد(ن) يعَرْفِ بوين حَطِّ رحالها
يالربع الى جاكم نصيب احدى البنات= خوذوه، خلّوها تروح بفالها
و الا بتصبح في عداد العانسات= و لا تشوف و تهتني بعيالها
و ان كان ما راحت، و هي معها خوات= مع الغلا، يبي يشح ريالها
و تصبح ديونك يالابو متراكمات= أكثر من شناط امها و نعالها
لياك تطرد في الطيور الطايرات= دام البنيّه جا لها رجّالها
إن كان جا رجّال حافظ للصلاة= و من لابة(ن) تذكر بخير افعالها
لياك تتردد و قل: أرحب ميات= و اعقد لها، مع الرضا، بحبالها
اصلح لها رجل(ن) يلبسها العباة= و الى مشت والاه مثل ظلالها
أخير من رجل(ن) يجي وقت المبات= و يروح صبح الله الى أعمالها
أسفار ما تخلص و لا منها نجاة= و ام العيال ببيتها بلحالها
ما فكّر الا في عمله و بالغناة= والبيت و الزوجة متى ما جالها
هذي نصيحة واحد(ن) ما له سواة= الا يقدمها لمن يسوى لها

=أسفار ما تخلـص و لا منهـا نجـاة
=و ام العـيـال ببيتـهـا بلحـالـهـا
=مـا فكّـر الا فـي عملـه و بالغنـاة
=والبيت و الزوجـة متـى مـا جالهـا

المشاركة الأصلية كتبت بواسطة حسين المعمري (المشاركة 334222) صحححححححححححححححححح لسانك ملايييييييين بيض الله وجهك ابداع ابداع ابداع

المشاركة الأصلية كتبت بواسطة حميدان العوفي (المشاركة 334228) قصيدة معبرة عن العنوسة و مشاكلها صح لسانكـ ... و بيض الله وجهك

المشاركة الأصلية كتبت بواسطة عيسى العوفي (المشاركة 334233) =أسفار ما تخلـص و لا منهـا نجـاة =و ام العـيـال ببيتـهـا بلحـالـهـا =مـا فكّـر الا فـي عملـه و بالغنـاة =والبيت و الزوجـة متـى مـا جالهـا هذ واللي مثله والله مايستاهل ضفر من اضفارها والله يعين الاجوديات صابرات صح لسااانك يالصيفي دائم وانت متميز تحياااااااااااااتي