لا يطول الصد . وزيدي في غلاك=ولعيني فـي غرامـك يـا ملـك
مغرم (ن) فيكي وصدك لي هلاك=وفالهوا ياكـم مـن قبلـي هلـك
لا بدو لا حضر مشقانـي سـواك=والله انك مالك (ن) قلبـي بصـك
بس تدلل والله ان همـي رضـاك=لوظلمت الروح محد (ن) يسئلـك
البدر يشبهك في الملـح وبهـاك=ياحسيـن القـد منهـو يزعلـك
الشعـر شـلال أسـود ويهنـاك=ناعم (ن) والطول ياصل لأسفلـك
وبعيونك تامـر ولحـد يعصـاك=ورمش عينك سهم وفي قلبي سلك
فمك الخاتم وجمرات ( ن )شفـاك=والورود الحمر تسكـن وجنتـك
ريحتـك بالهيـل وقرنفـل وراك=مجمـلـك والله . والله مجمـلـك
ما توفيك المعانـي مـن حـلاك=من حلاتك ينسبـون الزيـن لـك
ليتني ثوبك ولـو حتـى غطـاك=اوعباتك او صغير ( ن ) من هلك
او كتاب (ن) اوقلم يلمـس يـداك=او مـرايـه نورتـهـا طلـتـك
لو طلبت الروح ابشر قلت هـاك=قـول امرنـي انـا كلـي الـك
جاك مني كل صافي الحب جـاك=بـس حـذرا لا تطـول صدتـك

المشاركة الأصلية كتبت بواسطة نداء الغيداني (المشاركة 334226) صح لسانك على لايطول الصد0 وانت لاتطول بالمشاركه القادمه0

المشاركة الأصلية كتبت بواسطة وحيد الجزيرة (المشاركة 334308) صح لسانك يالذيب .. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة

المشاركة الأصلية كتبت بواسطة الحب الباقي (المشاركة 334340) صح لسانك مليون على القصيده والله يـعـطـيـك الـعـافيـــــــــــة بيض الله وجهك