هـذي حياتـي فـرح وهمـوم=ليلي ونهاري كشف لوعتي
حلـم الطفولـة قمـر ونجـوم=وارجع بقارب على وحدتي

بعد الطفوله وحب الـذات=اعيش في غابة اشجانـي
وهموم لا قلت راحت جات=يجيبها قـارب احزانـي
حتى الشجر ياخساره مات=كنه تحطم علـى شانـي

بريء من جملة الأطفال=عنده أمل في غدٍ مشرق
ويخاف من كثرة الأهوال=قبل الأمل فرحته تُسْرق

ارقب امل من بعيـد يلـوح=كلي رجاء في حياه افضل
اجري بنا يا سفينـة نـوح=قــدام كــل الشـجـر يـذبـل

بين الأعاصيـر والأحـلام=وامـواج تـدفـع سفينتـهـا
برق الأمـل فوقهـا إلهـام=والصبح من نور بسمتها

كل الأمل نظرة الطفله= والبحر رمز الحزن يافلان
امالشجراختفى ظله= بأسباب بعده عـن الخـلان

اتأمـل الكـون مـن حولـي=شمس وسحب مع شجر وجبال
وقـول يـارب خـذ قـولـي=الشكـر والحمـد لـك ينقـال